Qazaqstanda shomylý maýsymy bastalǵaly 15 adam sýǵa ketken
ASTANA. QazAqparat - Bıyl óńirlerde júzý maýsymy bastalmaǵanyna qaramastan, 2018 jyldyń 1 mamyrynda eldegi sý aıdyndarynda 18 adam, sonyń ishinde 8 bala sýǵa aǵyp ketti, dep habarlaıdy QazAqparat QR ІІM TJK baspasóz qyzmetine silteme jasap.
Qutqarýshylar 35 adamdy, sonyń ishinde 3 balany qutqaryp qaldy.
2017 jyly osy kezeńde 13 adam, sonyń ishinde 5 bala sýǵa batyp ketken.
Adamdardyń basym bóligi sý aıdyndarynda qaýipsizdik erejelerin saqtamaǵandyqtan qaza tapty. Al, balalardyń kóbi eresekterdiń qaraýynsyz qalǵandyqtan (8 jaǵdaı) sýǵa aǵyp ketken. Sondaı-aq, balyq aýlaý kezinde qaýipsizdik tehnıkasynyń buzylýyna baılanysty 6 adam jáne qaıyqtyń aýdarylýynan 1 adam mert bolǵan.
Qazirgi tańda túrli oblystarda balyq aýlaýǵa ketken 5 adam izdestirilip jatyr.
Aıta keteıik, Qazaqstanda shomylýǵa, demalýǵa jáne balyq aýlaýǵa qoldanylatyn 50 myńnan astam sý aıdyny bar.
