Qazaqstanda shilde aıynda qurǵaqshylyq qaýpi bar óńirler ataldy
ASTANA.KAZINFORM — Shilde aıynda aýa temperatýrasy joǵarlaǵan saıyn qurǵaq qubylystarǵa beıim aýdandardyń ulǵaıý yqtımaldyǵy saqtalady, jaýyn-shashyn kóbinese jergilikti jáne qysqa merzimdi bolady. Bul týraly «Qazgıdromet» RMQ málim etti.
Aldyn ala boljamǵa sáıkes shildede birqalypty qurǵaqshylyq jaǵdaılar kútiledi:
Pavlodar oblysynyń Aqtoǵaı, Ertis, Jelezınka, Ýspenka, Sharbaqty jáne Maı aýdandarynda;
Qaraǵandy oblysynyń Aqtoǵaı, Buqar jyraý, Osakarovka, Nura, Qarqaraly jáne Shet aýdandarynda;
Shyǵys Qazaqstan oblysynyń Zaısan, Úlken Naryn, Kýrshım, Marqakól, Tarbaǵataı aýdandarynda jáne Shemonaıha men Óskemen qalasy mańaılarynda;
Abaı oblysynyń Aıagóz, Abaı, Besqaraǵaı, Borodýlıha, Jarma, Úrjar, Maqanshy jáne Jańasemeı aýdandarynda;
Almaty oblysynyń Balhash jáne Jambyl aýdandarynda;
Jetisý oblysynyń Alakól, Qaratal jáne Panfılov aýdandarynda;
Jambyl oblysynyń Qordaı, T.Rysqulov, Sarysý jáne Talas aýdandarynda;
Túrkistan oblysynyń Arys, Sozaq, Qazyǵurt, Ordabasy, Shardara jáne Jetisaı aýdandarynda;
Qyzylorda oblysynyń Qazaly, Qarmaqshy, Shıeli aýdandarynda jáne Qyzylorda qalasynda.
Birqalypty ylǵaldylyq boljanady:
Qostanaı oblysynyń Qarabalyq jáne Jitiqara aýdandarynda;
Aqtóbe oblysynyń Martýk, Oıyl, Hromtaý aýdandarynda jáne Aqtóbe qalasynda.
— Eldiń qalǵan aýmaǵynda ylǵaldaný jaǵdaılary osy aı úshin norma shamasynda bolady dep kútiledi. Aldyn ala boljam qajet bolǵan jaǵdaıda naqtylanatyn bolady, — delingen habarlamada.
Boljam www.agrodata.kz qosymshasynda jáne «Qazgıdromet» RMK resmı saıtynda jarııalanǵan.
Aıta keteıik, aldaǵy úsh kúnde el aýmaǵynda tsıklon áserinen aýa raıy turaqsyz bolady.
