Qazaqstanda ishki kóship-qonýshylar men qandastardy qonystandyrý qaǵıdalary ózgeredi
ASTANA. KAZINFORM – Qazaqstan Respýblıkasynyń Eńbek jáne halyqty áleýmettik qorǵaý mınıstrligi azamattardy eńbek kúshi artyq óńirlerden eńbek kúshi tapshy óńirlerge erikti túrde qonys aýdarý máselelerin retteý salasyndaǵy qoldanystaǵy NQA-ǵa túzetýler toptamasyn ázirledi. Bul týraly vedomstvonyń baspasóz qyzmeti málim etti.
«Qandastar men qonys aýdarýshylardy qabyldaýdyń óńirlik kvotasyna engizý qaǵıdalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstri mindetin atqarýshynyń 2016 jylǵy 15 qańtardaǵy № 20 buıryǵyna jáne «Jumys kúshiniń utqyrlyǵyn arttyrý úshin adamdardyń erikti túrde qonys aýdarý qaǵıdalaryn bekitý týraly» Qazaqstan Respýblıkasy Premer-Mınıstriniń orynbasary-Eńbek jáne halyqty áleýmettik qorǵaý mınıstriniń 2023 jylǵy 22 maýsymdaǵy № 234 buıryǵyna ózgerister men tolyqtyrýlar engizý týraly» Qazaqstan Respýblıkasy Eńbek jáne halyqty áleýmettik qorǵaý mınıstri buıryǵynyń jobasy jarııa talqylaý úshin «Ashyq NQA» portalynda 2024 jylǵy 5 qarashaǵa deıin ornalastyryldy.
Atalǵan túzetýler toptamasy anyqtalǵan problemalyq máseleler men Qazaqstan Respýblıkasy Bas prokýratýrasynyń usynymdaryn eskere otyryp ázirlendi.
Atap aıtqanda, mynadaı ózgerister kózdeledi:
1) mansap ortalyqtar qyzmetkerleriniń qonys aýdarýshy nemese qandas usynǵan qujattardy, ekonomıkalyq mobıldilik sertıfıkaty boıynsha aqshalaı tólemdi paıdalana otyryp satyp alynatyn jyljymaıtyn múlik obektisi boıynsha málimetterdi olardyń tolyqtyǵy men durystyǵy turǵysynan, tolyq jáne muqııat qaraý úshin mámile obektisine barý jolymen salystyryp tekserýdi júzege asyrýy;
2) satyp alynatyn jyljymaıtyn múliktiń qunyn baǵalaý nátıjelerine shaǵymdaný boıynsha eńbek mobıldiligi ortalyqtarynyń quqyǵyn keńeıtý;
3) qonys aýdarýshynyń nemese qandastyń budan buryn ekonomıkalyq mobıldilik sertıfıkaty arqyly satyp alynǵan turǵyn úıdi satyp alý nıeti bolǵan jaǵdaıda ekonomıkalyq mobıldilik sertıfıkatyn berýden bas tartý boıynsha qosymsha negizdi bekitý;
4) qonys aýdarýshylardyń qonystaný aýmaǵynan tys jerlerde eńbek qyzmetin júzege asyrý quqyǵyn alyp tastaýyn qozdeıdi.
Sonymen qatar qandastar men qonys aýdarýshylardy qabyldaýdyń óńirlik kvotasyna engizý jáne erikti qonys aýdarýdy memlekettik qoldaý sharalaryn kórsetý jónindegi memlekettik kórsetiletin qyzmetterdi
2025 jylǵy naýryzdan bastap avtomattandyrý josparlanyp otyrǵanyn habarlaımyz. Osylaısha, kórsetiletin qyzmetti alýshylardyń mansap ortalyqtardyń qyzmetkerlerimen baılanysy joıylady, bul sybaılas jemqorlyq táýekelderin barynsha azaıtýǵa múmkindik beredi.
Osy memlekettik qyzmet túrlerin tsıfrlandyrý qonys aýdarýǵa qatysýshylar men eńbek mobıldiligi ortalyqtary arasyndaǵy sharttyq mindettemelerdiń oryndalýyna naqty monıtorıngti qamtamasyz etedi.
Buıryq jobasyn qabyldaý teris áleýmettik-ekonomıkalyq jáne/nemese quqyqtyq saldarǵa alyp kelmeıdi.
Qujatpen tolyǵyraq «Ashyq NQA» portalynda silteme boıynsha tanysýǵa bolady.