Qazaqstanda shına óndirý týraly ınvestıtsııalyq kelisimge qol qoıyldy

NUR-SULTAN. QazAqparat – Qazaqstan Respýblıkasynyń Premer-Mınıstri Asqar Mamınniń Qostanaı oblysyna jumys sapary sheńberinde birqatar ınvestıtsııalyq kelisimderge, onyń ishinde Qazaqstan Respýblıkasynyń Syrtqy ister mınıstrligi men «KamaTyresKZ» JShS arasynda qol qoıyldy, dep habarlaıdy QazAqparat QR SІM baspasóz qyzmetine silteme jasap.

Shına zaýytyn salý boıynsha ınvestıtsııalyq jobany iske asyrýǵa negizdemelik kelisimge, ınvestıtsııalyq kelisimshartqa qol qoıyldy. Jobanyń jalpy ınvestıtsııa kólemi 119 mlrd.teńgeni quraıdy.

Investıtsııalyq kelisimderdiń bul paketi Tatarstan Respýblıkasy men Qazaqstan Respýblıkasy arasyndaǵy yntymaqtastyqty damytýdaǵy kezekti qadam boldy.

Qol qoıylǵan qujattar zaýyt qurylysy barysyndaǵy ınvestıtsııalyq preferentsııalar boıynsha taraptardyń negizgi ýaǵdalastyqtaryn, «KamaTyresKZ» JShS ınvestıtsııalyq mindettemelerin, sondaı-aq Qazaqstannyń ınvestıtsııalyq jobany iske asyrý úshin jer ýchaskesine zattaı grant berý sharttaryn retteıdi.

Birlesken kásiporyndy qurý Qazaqstanda qýattylyǵy jylyna 3 mln jeńil jáne jeńil júk tıeıtin shınalar, sondaı-aq TsMK-nyń 0,5 mln júk shınalaryn shyǵaratyn jańa zaýyt salýdy kózdeıdi. Óndiris 2022 jyly iske qosylady dep kútilýde, al zaýytty tolyq jobalyq qýatyna 2024 jyly shyǵarý josparlanýda.

Joba aıasynda 1 116 jumys orny ashylady. Avtomobıl shınalary Reseıge, Qazaqstanǵa jáne Ortalyq Azııa elderine avtomobılderdiń bastapqy jınaqtamasyna jiberiletin bolady.

«Tatneft» JAQ - quramynda munaı-gaz óndirý, munaı óńdeý, munaı-gaz hımııasy, shına kesheni, JQS jelisi, elektr energetıkasy, munaı-gaz salasyna arnalǵan jabdyqtardy ázirleý jáne óndirý, servıstik qurylymdar blogy qarqyndy damyp kele jatqan reseılik tiginen ıntegratsııalanǵan iri munaı kompanııalarynyń biri.

«KamaTyresKZ» JShS - Qazaqstannyń Saran qalasynda shına óndirisin uıymdastyrý maqsatynda 2020 jyldyń qazan aıynda «ÝK «Tatneft-Neftehım» JShQ jáne «Allur Tyres» JShS kompanııalarymen Qazaqstanda qurylǵan birlesken kásiporyn.

«Allıýr kompanııalar toby» AQ Qazaqstannyń eń iri avtoóndirýshisi «SaryarqaAvtoProm» JShS aktsıoneri, QR aýmaǵyndaǵy JAC, Ankai, Yutong, Chevrolet, Ravon brendteriniń resmı dıstrıbıýtory, óndirýshisi jáne dıleri, Hyundai, Niva Chevrolet, UAZ jáne man óndirýshisi bolyp tabylady.