Qazaqstanda shilde aıynda jumyssyzdyq deńgeıi 4,9 % qurady

ASTANA. QazAqparat - 2018 jyldyń shilde aıynda Qazaqstandaǵy jumyssyzdar sany 442,5 myń adamdy qurady. Bul jalpy eńbek kúshiniń 4,9% paıyzy (osy jyldyń maýsym aıynda - 4,9 paıyz), dep habarlaıdy QazAqparat tilshisi QR Ulttyq ekonomıka mınıstrligi Statıstıka komıtetine silteme jasap.

2018 jylǵy maýsymnyń sońyna Qazaqstandaǵy jumyspen qamtý organdarynda jumyssyzdar retinde resmı tirkelgender sany 154,6 myń adamdy qurady. Bul kórsetkish ekonomıkalyq belsendi halyq sanyna shaqqanda 1,7 paıyz deńgeıinde bolady.

2018 jylǵy shilde-maýsym aılarynda jasyryn jumyssyzdyq deńgeıi 0,3 paıyzdy nemese eńbek kúshiniń sanyna shaqqanda 25,9 myń adamdy qurady.

Respýblıka ekonomıkasynda shilde aıynda 8,7 mln adam jumyspen qamtylǵan. Atalmysh kezeńde jumyspen qamtylǵan halyqtyń ishinen jaldamaly jumysshylar 6,6 mln nemese jalpy eńbek kúshiniń 76,1 % qurady.

Ústimizdegi jyldyń ekinshi jartyjyldyǵy boıynsha aldyn ala berilgen málimetke sáıkes, ózin-ózi jumyspen qamtyǵan halyqtyń jalpy kóleminen ónimdi jumyspen qamtylǵandardyń úlesi - 90, 3 paıyz, al ónimsiz jumys jasap jatqandar deńgeıi 9,7 paıyzdy qurady.