Qazaqstanda shıkizat emes taýardy belsendi eksporttaıtyn 546 kompanııa bar

ASTANA. QazAqparat – Saýda jáne ıntegratsııa mınıstrligi eksportty ilgeriletý departamentiniń dırektory Ómirbek Bashtaı Qazaqstanda shıkizat emes taýardy belsendi eksporttaıtyn neshe kompanııa bar ekenin aıtty, dep habarlaıdy QazAqparat tilshisi.

«Jalpy Qazaqstanda eksporttaýshylar óte kóp. Al shıkizat emes taýralardy belsendi eksportatýshylardyń sany, qatelespesem, 546 bolýy kerek. Olardyń ózi túrli toptarǵa bólinedi. Keıingi 3 jylda mundaı sanatqa jatatyn 2000-nan astam eksporttaýshy bar. Sonyń ishinde 546-sy belsendi saýda jasap júr», - dedi mınıstrlik ókili eksportaýshylardy oqytý baǵdarlamasynyń tanystyrylymynda.

Sondaı-aq, ol Qazaqstannyń eksporttaýshylary 7 aıdyń ishinde 37,5 mlrd dollardyń shıkizat emes taýaryn eksporttaǵanyn atap ótti.

«Qazaqstan eksportynyń álemdik naryqta ilgerileýi týraly aıtsaq, kórsetkishterimiz óte jaqsy. 7 aıdyń qorytyndysy boıynsha shıkizat emes taýar aınalymy 37,5 mlrd dollar boldy. Bul byltyrǵy kezeńmen salystyrǵanda 21 paıyz joǵary. Mundaı ósim saqtalsa, mejelengen kórsetkishti asyra oryndaýǵa bolady. ıAǵnı, jaqsy qarqynmen kele jatyrmyz. Qoıylǵan mindetti oryndaýymyz kerek», - dedi Ómirbek Bashtaı.