Elimizde sheteldik jumys kúshin tartý erejeleri jańartylady

ASTANA. KAZINFORM — Eńbek jáne halyqty áleýmettik qorǵaý mınıstrligi sheteldik jumys kúshin tartý erejelerin jańartýǵa arnalǵan buıryq jobasyn ázirledi, dep habarlaıdy Kazinform agenttiginiń tilshisi.

Joba QR Premer-mınıstriniń 2025 jylǵy 15 shildedegi «Qazaqstan Respýblıkasynyń Salyq jáne bıýdjetke tólenetin basqa da mindetti tólemder týraly kodeksin (Salyq kodeksi) iske asyrý sharalary týraly» ókiminiń negizinde daıyndalǵan.

— Buıryq jobasyn qabyldaýdyń maqsaty — Qazaqstan Respýblıkasynyń jańa Salyq kodeksine sáıkes normatıvtik erejelerdi sáıkestendirý, — delingen qujatta.

Sonymen qatar, buıryq jobasynyń maqsaty — ákimshilik derekterdi ákimshilik kózderden óteýsiz negizde usyný qaǵıdalaryna sáıkestendirý. Atalǵan qaǵıdalar Qazaqstan Respýblıkasy Statıstıka agenttigi tóraǵasynyń mindetin atqarýshynyń 2010 jylǵy 14 shildedegi №183 buıryǵymen bekitilgen.

Qujat 2025 jylǵy 13 tamyzǵa deıin «Ashyq NQA» portalynda qoǵamdyq talqylaýǵa usynyldy.

Budan buryn Qazaqstanǵa sheteldik jumys kúshin tartýǵa 16,5 myń kvota bólingeni anyqtaldy.