Qazaqstanda sheteldik JOO fılıaldaryna qalaı túsýge bolady
ASTANA. KAZINFORM - Qazaqstanda joǵary bilim berý júıesiniń ınternatsıonaldanýy belsendi túrde damyp keledi.
Ǵylym jáne joǵary bilim mınıstrligi málimetinshe, 2021 jyldan bastap 12 eldiń (Ulybrıtanııa, Italııa, Qytaı, Reseı, AQSh, Frantsııa, Ońtústik Koreıa jáne t.b.) ýnıversıtetterimen 33 strategııalyq áriptestik ornatyldy. Qazir olardyń ishinde 23 sheteldik joǵary oqý ornynyń fılıaly ashyldy, al 2025 jyly taǵy 10 strategııalyq áriptestik ornatylmaq.
Memleket basshysy Qasym-Jomart Toqaev 2022 jyly elimizde úzdik sheteldik ýnıversıtetterdiń fılıaldaryn ashý týraly tapsyrma bergen bolatyn. QR Ǵylym jáne joǵary bilim mınıstrligi bul tapsyrmany belsendi júzege asyryp jatyr.
Elimizde 31 myńnan astam sheteldik stýdent bilim alyp jatyr.
Alǵash ret 2024 jyly Azııa elderinen kelgen stýdentterdiń sany TMD elderinen kelgen stýdentter sanynan asyp tústi.
Sonymen qatar Qazaqstanǵa jyl saıyn shamamen 200 sheteldik ǵalym tartylyp, ǵylymı áleýettiń artýyna yqpal etip jatyr. Mınıstrlik Qazaqstandy Ortalyq Azııadaǵy bilim berý habyna aınaldyrý strategııasyn júzege asyrý barysynda.
- Sizderge sheteldik ýnıversıtet fılıaldary, bilim berý baǵdarlamalary, Qazaqstan azamattary men sheteldikterge arnalǵan qabyldaý sharttary, qabyldaý komıssııalarynyń baılanys derekteri jáne ýnıversıtetterdiń resmı saıttaryna ótýge arnalǵan QR-kod kórsetilgen ınfografıkany usynamyz, - delingen mınıstrlik habarlamasynda.
