Elimizde sheteldik joǵary oqý oryndarynyń 33 fılıaly jumys isteıdi
ASTANA. KAZINFORM- 2025 jyly Qazaqstanda Ulybrıtanııa, AQSh, Italııa, Ońtústik Koreıa jáne Reseı joǵary oqý oryndarynyń 9 fılıaly ashyldy. Búginde elde sheteldik ýnıversıtetterdiń 33 fılıaly jumys isteıdi.
Sonymen qatar 2021 jyldan bastap fılıaldar, franshızalar, seriktestikter, jahandyq kampýstar men konsortsıýmdardy qamtıtyn 40 strategııalyq seriktestik ornatyldy. Qazir taǵy 10 strategııalyq seriktestik boıynsha jumys júrgizilip jatyr.
2025 jyldyń qyrkúıeginde Cardiff University jáne Coventry University (Ulybrıtanııa), Woosong University (Ońtústik Koreıa), Anhalt (Germanııa), Politechnico della Marche (Italııa), sondaı-aq MMHQI (Reseı) ýnıversıtetteriniń fılıaldary jumys isteı bastady.
2021 jyldan beri ashylǵan 33 ýnıversıtet fılıaly Ulybrıtanııa, Reseı, AQSh, Qytaı, Ońtústik Koreıa, Germanııa, Frantsııa, Italııa, Vengrııa jáne Polsha sııaqty elderdiń joǵary oqý oryndaryna tıesili.
-Sońǵy úsh jylda shetelde otandyq joǵary oqý oryndarynyń 5 fılıaly ashyldy. Atap aıtqanda, 2022 jyly Bishkek qalasynda Ál-Farabı atyndaǵy Qazaq ulttyq ýnıversıtetiniń fılıaly jáne Qyrǵyz Respýblıkasyndaǵy Osh memlekettik ýnıversıteti bazasynda L.N. Gýmılev atyndaǵy Eýrazııa ulttyq ýnıversıtetiniń fılıaly ashyldy, - delingen QR Ǵylym jáne joǵary bilim mınıstrliginiń baspasóz qyzmetiniń málimetterinde.
2023 jyly Ózbekstannyń Chırchık qalasynda Muhtar Áýezov atyndaǵy Ońtústik Qazaqstan ýnıversıtetiniń fılıaly ashyldy. Sondaı-aq Tájikstannyń Dýshanbe qalasyndaǵy Osım atyndaǵy Tájik memlekettik ýnıversıtetinde L.N. Gýmılev atyndaǵy EUÝ-dyń birlesken aqparattyq tehnologııalar fakýlteti jumys isteı bastady.
2025 jyly Reseıdegi Omsk memlekettik ýnıversıteti bazasynda Ál-Farabı atyndaǵy QazUÝ fılıaly ashyldy.
Sonymen qatar 2025 jyly L.N. Gýmılev atyndaǵy EUÝ men Almaty qalasyndaǵy Logıstıka jáne kólik akademııasynda Lý Ban sheberhanalarynyń ekinshisi men úshinshisin ashý týraly kelisimge qol jetkizildi.
Bıyl Qazaq sport jáne týrızm akademııasy (QSTA) men QAIRU – Qazaq AI Research University ashyldy.
Osyǵan deıin álemdegi ozyq JOO-larǵa túsý úshin Qazaqstandaǵy talapkerler neni bilýi kerek ekeni týraly jazdyq.
