Qazaqstanda sheteldik marketpleısterdi tirkeý mindetteledi

ASTANA. KAZINFORM — Endigi sheteldik marketpleıster elimizde tirkelýge jáne ornalasýǵa mindetti bolmaq. Bul týraly Saýda jáne ıntegratsııa vıtse-mınıstri Qaırat Tórebaev málim etti. 

— Qazir Májiliste tutynýshylardyń quqyǵyn qorǵaý týraly zań qaralyp jatyr. Endi kompanııalar óz ónimi úshin jaýapty bolady. Buǵan deıin olar óndirýshige silteıtin, osylaısha biz ár óndirýshimen bólek jumys isteýge týra keldi. Biz endi kompanııalardy Qazaqstanda bolýǵa jáne tirkeýden ótýdi talap etemiz, — dedi Qaırat Tórebaev Úkimet otyrysynan keıin ótken baspasóz máslıhatynda.

Saýda vıtse-mınıstriniń málimetinshe, Temu, Pinduoduo marketpleıster elimizde tirkelmegen. Alaıda, qazir «Qazposhta» bas operator retinde atalǵan kompanııalarmen kelissózder júrgizip jatyr. 

— Eger marketpleıster Qazaqstanda resmı tirkelip, ashylmasa, olarda salyq bereshegi boıynsha másele týyndaıdy, — dep tolyqtyrdy Q. Tórebaev.

Buǵan deıin marketpleıster qazaq tilinde qyzmet kórsetýge mindetteletini aıtyldy. 

Sondaı-aq, qazaqstandyqtar marketpleısterde neni satyp alýǵa qumar ekenin bilgen edik.