Qazaqstanda sheteldik mamandardy otandyq kadrlarmen almastyrý baǵdarlamasy ázirlenedi
ASTANA. KAZINFORM — Qazaqstanda munaı óńdeý salasyndaǵy kúrdeli jobalarǵa tartylatyn sheteldik mamandardy kezeń-kezeńimen qazaqstandyq kadrlarmen almastyrý baǵdarlamasy ázirlenedi. Bul talap jańa jobalarǵa arnalǵan Jaqsartylǵan modeldik kelisimshartqa engizilmek.
Energetıka mınıstri Erlan Aqkenjenovtyń sózinshe, 2025-2040 jyldarǵa arnalǵan Munaı óńdeý salasyn damytý tujyrymdamasy sheńberinde kadrlardy daıarlaýdyń jańa tásili usynylady.
— Kúrdeli jobalar úshin Jaqsartylǵan modeldik kelisimshartty engizý sheńberinde sheteldik kadrlardy qazaqstandyq mamandarmen almastyrý baǵdarlamasyn ázirleý jáne Energetıka mınıstrligimen kelisý jónindegi mindetteme kózdelgen, — dedi E. Aqkenjenov.
Baǵdarlama boıynsha sheteldik mamandardy almastyratyn qazaqstandyq kadrlar aldyn ala anyqtalyp, olardy qajetti baǵyttar boıynsha daıarlaý jáne oqytý kózdeledi.
Sonymen qatar Qazaqstan azamattarynyń kandıdatýralaryna basymdyq beriledi.
— Jer qoınaýyn paıdalaný boıynsha óndirýshi kompanııalardyń kelisimsharttyq mindettemeleri aıasynda qazaqstandyq kadrlardy oqytýǵa óndiris kóleminiń 1% qarjylandyrý mindettemeleri qarastyrylǵan, — dedi Energetıka mınıstri.
2023-2025 jyldardaǵy qarjylandyrýdyń jalpy somasy shamamen 62,7 mlrd teńge bolǵan.
Aıta keteıik, elimizde munaı óńdeý qýaty jylyna 39 mln tonnaǵa deıin artady.
Tehnologııanyń ózgerýine baılanysty Qazaqstannyń kólik salasyna 31 jańa mamandyq qajet.
