Qazaqstanda sheteldik dıplomdardy taný rásimi jetildiriledi
ASTANA. KAZINFORM — Joǵary bilim berýdi damytý ulttyq ortalyǵy men ıÝNESKO yntymaqtastyq týraly kelisim jasasty, dep habarlaıdy Ǵylym jáne joǵary bilim mınıstrliginiń baspasóz qyzmeti.
QR Ǵylym jáne joǵary bilim mınıstrliginiń Joǵary bilim berýdi damytý ulttyq ortalyǵy men Bilim, ǵylym jáne mádenıet máseleleri jónindegi Birikken Ulttar Uıymy (ıÝNESKO) Azııa-Tynyq muhıty óńirinde joǵary bilimge qatysty biliktilikterdi taný týraly Tokıo konventsııasyn iske asyrýǵa qoldaý kórsetýge baǵyttalǵan yntymaqtastyq týraly kelisim jasasty.
Vedomstvonyń málimetinshe, yntymaqtastyqtyń maqsaty — bilim berý biliktilikterin tanýdyń ulttyq júıesin odan ári jetildirý, halyqaralyq ózara is-qımyldy damytý jáne osy baǵyttaǵy memlekettik qyzmetterdiń qoljetimdiligin arttyrý.
Joba aıasynda biliktilikterdi taný tásilderi men rásimderin jetildirý jóninde usynymdar ázirleý, halyqaralyq tájirıbeni taldaý jáne Tokıo konventsııasyn Qazaqstanda iske asyrý jónindegi jol kartasyn daıyndaý josparlanyp otyr. Sonymen qatar biliktilikterdi tanýdyń ulttyq júıesin odan ári damytý boıynsha usynystar ázirleý maqsatynda múddeli memlekettik organdarmen jáne beıindi uıymdarmen konsýltatsııalar ótkizý kózdelgen.
Normatıvtik-quqyqtyq jáne uıymdastyrýshylyq tetikterdi jetildirýge, biliktilikterdi taný rásimderiniń ashyqtyǵyn arttyrýǵa, sondaı-aq Qazaqstannyń Ulttyq aqparattyq ortalyǵynyń áleýetin nyǵaıtýǵa jáne halyqaralyq tájirıbe almasýdy damytýǵa erekshe nazar aýdarylady.
Yntymaqtastyqtyń mańyzdy baǵyttarynyń biri — sheteldik bilim týraly qujattardy taný boıynsha tsıfrlyq qyzmetterdi ilgeriletý. Shetel azamattarynyń qoljetimdi elektrondyq servıster týraly habardarlyǵyn arttyrý jáne olardy paıdalaný múmkindikterin keńeıtý maqsatynda aǵylshyn tilinde aqparattyq materıaldar ázirleý josparlanyp otyr.
Joǵary bilim berýdi damytý ulttyq ortalyǵy Tokıo konventsııasy aıasynda Qazaqstannyń Ulttyq aqparattyq ortalyǵynyń fýnktsııalaryn atqarady jáne ony iske asyrý jónindegi is-sharalardy úılestirýge qatysady. Bul jumys halyqaralyq yntymaqtastyqty damytýǵa, akademııalyq utqyrlyqty qoldaýǵa jáne biliktilikterdi tanýdyń ashyq ári túsinikti rásimderin qalyptastyrýǵa yqpal etedi.
— Jobany 2026 jylǵy qazannan 2027 jylǵy jeltoqsanǵa deıin iske asyrý josparlanǵan. ıÝNESKO-men yntymaqtastyq biliktilikterdi tanýdyń ulttyq júıesin odan ári jetildirýge jáne Qazaqstannyń halyqaralyq bilim berý keńistigine kirigýin nyǵaıtýǵa úles qosady dep kútiledi, — delingen habarlamada.
ıÝNESKO-men seriktestik Qazaqstannyń ashyq, zamanaýı jáne halyqaralyq bilim berý keńistigimen yqpaldasqan joǵary bilim berý júıesin damytý jolyndaǵy mańyzdy qadam bolyp sanalady.
Osyǵan deıin 22 jyldyq úzilisten keıin Qazaqstannyń kıeli nysandary ıÝNESKO tizimine engenin jazdyq.
