Qazaqstanda sheteldikterdi tirkeý tártibine ózgeris engizildi
2020 jylǵy 11 qańtardan bastap sheteldik azamattar ishki ister organdarynda 30 kúnge deıin tirkeýden bosatylady. Bul rette, Qazaqstan Respýblıkasynda ýaqytsha bolý merzimi memlekettik shekaradan ótken kúnnen bastap kúntizbelik 30 kúnnen aspaýy kerek. Shetel azamaty Qazaqstanda 30 kúnnen artyq tursa, qabyldaýshy tarap qonaqqa ýaqytsha turýǵa ruqsat resimdeýge mindetti.
Qabyldaýshy tarap 3 jumys kúni ishinde sheteldikterdiń kelgeni týraly kóshi-qon qyzmetine habarlaýǵa (habarlama) mindetti.
Habarlama rásimi www.vmp.gov.kz . vıza jáne mıgratsııalyq portaly arqyly ótkizýge bolady.
Habarlama bolmaǵan jaǵdaıda, qabyldaýshy tarap QR ÁQBtK-niń 518 baby boıynsha ákimshilik jaýapkershilikke tartylady (ishki ister organdaryna sheteldikter týraly ýaqtyly habarlaý boıynsha sharalar qabyldamaý).
Aıta ketken jón, budan buryn QR Prezıdenti Qasym-Jomart Toqaev Almaty qalasyn damytýǵa baılanysty ótken keńeste sheteldikterdi mindetti tirkeý sııaqty anahronızmnen qutylý kerektigin basa aıtqan edi.
