Qazaqstanda sheteldik tikeleı ınvestıtsııany tartýǵa negizdelgen «jol kartasy» ázirlenedi
ASTANA. 3 qarasha. QazAqparat /Rýslan Ǵabbasov/ - Qazaqstanda sheteldik tikeleı ınvestıtsııany tartýǵa negizdelgen «jol kartasy» ázirlenedi. Bul týraly búgin Astanada ótken baspasóz máslıhatynda Indýstrııa jáne jańa tehnologııalar mınıstrligi Investıtsııalar komıtetiniń tóraǵasy Asylhan Serikov aıtty.
Onyń sózine qaraǵanda, qazirgi kezde Ekonomıkalyq yntymaqtastyq jáne damý uıymy men Strategy Partners reseılik konsaltıngtik kompanııasymen birlese tikeleı sheteldik ınvestıtsııa tartý turǵysynda arnaıy «jol kartasyn» ázirleýdiń ilki jobasy retinde zertteý jumystary júrgizilýde. Atalǵan ilki joba aǵymdaǵy jyldyń sońyna deıin ázirlenetin bolady.
