Qazaqstanda sheteldik kompanııalarǵa qandaı talaptar qoıylady
NUR-SULTAN. QazAqparat – Premer-Mınıstrdiń orynbasary Berdibek Saparbaev basqa elden jumys kúshin tartatyn sheteldik kompanııalarǵa qandaı talap qoıylyp otyrǵanyn aıtyp berdi, dep habarlaıdy QazAqparat tilshisi.
«Byltyr sheteldik jumysshylarǵa 49 myń kvota berilse, bıyl 20 myńǵa deıin qysqartyldy. Úshinshi jáne tórtinshi sanattaǵy sheteldik jumysshylardyń sanyn barynsha kemittik. Maqsatymyz – bolashaqta tórtinshi sanattaǵy sheteldik jumysshylarǵa beriletin kvotany túgel joıý. Negizinen birinshi jáne ekinshi sanattaǵy mamandardy ǵana alamyz. ıAǵnı, ózimizde joq mamandar men basshylar ǵana shetelden keledi. Qazir shetedik kompanııalardyń aldyna mynadaı mindet qoıyp otyrmyz: eger 10 sheteldik jumysshyny 3 jylǵa tartsa, sol ýaqyt ishinde keminde 10 qazaqstandyqty maman etip daıyndap shyǵarýy kerek», – dedi Berdibek Saparbaev OKQ-da ótken baspasóz máslıhatynda.
Eske sala ketsek, jyl basynda Qazaqstan Úkimeti «QR aýmaǵynda eńbek etý úshin shetelden jumys kúshin tartýǵa 2020 jylǵa arnalǵan kvotany belgileý týraly» qaýlyny bekitken bolatyn.
