Qazaqstanda sheteldik kapıtaldyń qatysýymen 8 myńǵa jýyq kompanııa jumys jasaıdy - QR Úkimet basshysy
ALMATY. 3 jeltoqsan. QazAqparat - Qazaqstan sheteldik ınvestıtsııany qorǵaý jáne yntalandyrýǵa qatysty álemniń 148 elimen ekijaqty kelisimder jasady. Bul týraly QR Premer-Mınıstri Serik Ahmetov búgin Almatyda ótip jatqan І Halyqaralyq ınvestıtsııalyq forým barysynda aıtty.
«Búkilálemdik banktiń reıtıngi boıynsha Qazaqstan álemdegi básekege qabiletti 50 eldiń qataryna endi. Jınaqtalǵan sheteldik tikeleı ınvestıtsııa 2012 jyly jan basyna shaqqanda 6,5 myń dollardy qurady. Biz bul kórsetkishpen burynǵy keńestik keńistikte birinshi oryndamyz», - dedi S.Ahmetov. Úkimet basshysynyń aıtýynsha, Qazaqstanda sheteldik kapıtaldyń qatysýymen 8 myńǵa jýyq kompanııa jumys jasaıdy. Onyń ishinde álemdegi eń úzdik 500 kompanııanyń qataryna kiretinder de bar.
