Elimizde shetelden alma ákelýge tyıym salynady
ASTANA. KAZINFORM — Ashyq NQA portalynda «Qazaqstan Respýblıkasynyń aýmaǵyna alma ákelýge tyıym salýdy engizý týraly buıryq mátini jarııalandy.
Qujatty Aýyl sharýshylyǵy mınıstrligi ázirlegen.
— Buıryq jobasynda almanyń tranzıttik tasymaldaryn, sondaı-aq onyń QR aýmaǵy arqyly Eýrazııalyq ekonomıkalyq odaqqa múshe bir memlekettiń aýmaǵynan Eýrazııalyq ekonomıkalyq odaqqa múshe basqa memlekettiń aýmaǵyna oryn aýystyrýyn qospaǵanda, úshinshi elderden jáne Eýrazııalyq ekonomıkalyq odaqqa múshe memleketterden avtomobıl, sý jáne temirjol kóligimen QR aýmaǵyna almany (Eýrazııalyq ekonomıkalyq odaqtyń syrtqy ekonomıkalyq qyzmetiniń taýar nomenklatýrasynyń kody: 0808 10) ákelýge 2026 jylǵy 1 tamyzdan 31 jeltoqsanǵa deıingi merzimde tyıym salý kózdelgen, — delingen buıryqta.
Bul jobanyń maqsaty — otandyq óndirýshilerdi qoldaý jáne ónimniń turaqty ótkizilýin qamtamasyz etý, sondaı-aq, onyń teris áleýmettik-ekonomıkalyq jáne quqyqtyq saldarlary bolmaıdy.
Qujat qoǵamdyq talqylaý úshin portalǵa 8 shildege deıin salyndy.
Demek, buıryq qabyldanǵan jaǵdaıda bıylǵy 1 tamyzdan jyl sońyna deıin elimizge alma ımporttalmaıdy.
Aıta keteıik, buǵan deıin Qazaqstan Túrikmenstanǵa 178 taýar pozıtsııasyn eksporttaýǵa daıyn ekenin jazǵanbyz.
