Qazaqstanda shetel azamattaryn jasandy ıntellektiniń kómegimen baqylamaq

ASTANA. KAZINFORM — Elimizde syrtqy kóshi-qon protsesin baqylaýda tsıfrlyq joba qolǵa alyndy. Jańa joba týraly Іshki ister mınıstriniń birinshi orynbasary Baýyrjan Álenov aıtyp berdi. 

— Halyqaralyq áýejaılar men shekara beketterinde týrısterge QR-kody bar «arnaıy karta» beriledi. Sol arqyly sheteldik meımandar elimizde jaıly jáne qaýipsiz júrý úshin qajetti aqparat pen qyzmet týraly málimet ala alady. Búginde kóshi-qondy baqylaýdyń tıimdiligin arttyrý sheńberinde mınıstrlik basym baǵyttardy anyqtap, tıisti sharalar qabyldap jatyr. Kóshi-qon protsesin baqylaýda tsıfrlyq sheshim qabyldanyp, engiziledi. Jasandy ıntellekt arqyly sheteldikterdiń elde bolýyn baqylaý jobasyn bastadyq. Jobany jyl sońyna deıin aıaqtaımyz, — dedi Baýyrjan Álenov Úkimet otyrysynda.

Odan ári mınıstrdiń birinshi orynbasary kóshi-qon saıasaty salasynda quqyqtyq bazany jetildirý jumysy týraly aıtty.

— Ótken aptada kóshi-qon baqylaýyn kúsheıtýdi kózdeıtin zań qabyldandy. Oǵan sáıkes, 30 táýlikten asa elde bolýdy josparlaǵan shetel azamattaryn tirkeý ınstıtýty engizildi. Іshki ister organdaryna táýekel elderdiń azamattaryna elge kelýden, shaqyrtýdan bas tartý quzyreti berildi. Sonymen qatar, shetel azamatyn tirkeý tártibin buzǵandarǵa ákimshilik jaýapkershilik engizý máselesi qaralyp jatyr, — deıdi ol.

Іshki ister mınıstrliginiń málimetinshe, elimizdiń kóshi-qon rejımin buzǵan 200 myń shetel azamaty jaýapqa tartyldy. 

Aıta ketsek, Premer-mınıstr kóshi-qon saıasatyn jetildirýge qatysty mınıstrlerge birneshe mindet júktedi.