Bıyl shegirtkemen kúreske 7 mlrd teńge bólinedi
ASTANA. KAZINFORM – Shegirtkege qarsy kúreske 7 mlrd teńge bólinedi. Bul týraly Senattyń jalpy otyrysynan keıingi baspasóz máslıhatynda Premer-Mınıstrdiń orynbasary – Ulttyq ekonomıka mınıstri Serik Jumanǵarın aıtty.
- Taıaýda jınalys ótkizdim, bıyl 700 mlrd (egistik jumystaryna) bóldik. Qarajat bólýdi byltyr 29 qarashada bastadyq. Keshe «Keń dala» baǵdarlamasy boıynsha 140 mlrd baǵyttaldy... Shegirtkeniń taralýyna jol bermeýge arnalǵan 7 mlrd teńge daıyn, - dedi S.Jumanǵarın.
Onyń aıtýynsha, bıyl shegirtkeniń taralýy aýmaǵy azaıǵan.
- Meniń oıymsha, bıyl shegirtke máselesin sheshemiz. Tájirıbe jınaqtadyq, - dedi Premer-Mınıstrdiń orynbasary.
Eske salsaq, byltyr kúzde Qazaqstanda 2025 jylǵy kóktemgi egis jumystaryn qarjylandyrý bastaldy.
Prezıdenttiń tapsyrmasyn oryndaý sheńberinde 2025 jylǵy kóktemgi egis jáne egin jınaý jumystaryna 700 mlrd teńgege deıin baǵyttalady
Bıyl Shegirtkege qarsy egistikterdi óńdeýge arnalǵan tehnıkanyń sany 2 ese artty.