Qazaqstanda shaı men kofe baǵasy qansha turady
ASTANA. KAZINFORM — Qazaqstandyqtardyń kóbi túste jáne keshke shaı ishkendi unatady. Kofe ishitinder de az emes. Eki sýsynnyń baǵasy aımaqtarda ártúrli. Keıbiriniń aıyrmashylyǵy alshaq. Kazinform agenttiginiń tilshisi baǵasyn salystyryp kórdi.
Qazaqstanda shaı ishetinder kóp. Birde bir toı-dýman, basqosý shaısyz ótpeıdi. Tipti toıda shaı dastarhany da bar. Taldaý jasaý kezinde salmaǵy 220-250 gr bolatyn túıirshiktelgen shaı baǵasyn salystyrdyq.
Baǵasy 1000 teńge turatyn shaıdy Qazaqstannyń birneshe aımaǵynan satyp alýǵa bolady. Qyzylorda men Shymkentte baǵa 900 teńgeden bastalady. Al Qostanaıda baǵa 911-1511 teńge aralyǵynda. Shaıdyń keıbir túri odan da qymbat. Aqtóbede shaı baǵasy 957-1960 teńge shamasynda, Taraz qalasynda 959 teńgeden bastalyp 1229 teńgege deıin jetedi.
Túrkistan, Semeı, Óskemen, Pavlodarda túıirshiktelgen qara shaı baǵasy 1000 teńgeden bastalady. Bul aımaqtarda shaı baǵasy 2300 teńgege deıin barady.
Kókshetaýda shaı 1095-1639 teńge aralyǵynda satylyp jatyr. Taldyqorǵanda 1099-1639 teńge dep kórsetilgen. Qazaqstan astanasynda da baǵa ártúrli. Munda 1167 teńgeden bastalyp, 2800 teńgege deıin jetedi. Sonymen birge Atyraý qalasynda da baǵa 1167-2800 teńge aralyǵynda.
Aqtaý, Oral, Petropavlda baǵa 1200 teńgeden bastalady. Aqtaýda bir qoraby 1240 teńgege satylyp jatyr. Oralda 1280 teńgeden bastalyp, 2280 teńgege deıin jetedi. Al Petropavlda shaı 1295-2848 teńge turady.
Qaraǵanda shaıdyń ortasha baǵasy 1310 teńge turady. Almatyda da baǵa osy shamalas. Munda shaı baǵasy 1330-3155 teńge turady. Al Jezqazǵanda baǵa bárinen qymbat bolyp shyqty. Munda salmaǵy 220-250 gr bolatyn shaı 1440 teńge turady.
Al salmaǵy 95 gr bolatyn kofe baǵasa ár óńirde ártúrli. Salmaǵy eki ese az bolǵanymen, baǵasy qymbattaý.
Aqtaý men Pavlodarda baǵa 1200 teńgeden bastalady. Sýda tez erıtin kofe quny keı jerlerde 3000-4900 teńgege deıin jetedi. Aqtóbede kofe quny 1352-2504 teńge aralyǵyn kórsetip tur. Atyraýda baǵa 1378-2551, Almatyda - 1399-6840 teńge.
Túrkistan men Shymkentte baǵa 1400 teńgeden bastalady. Munda da baǵasy joǵary kofeler bar. Bári de surpyna jáne óndirýshige elge baılanysty ózgerip turady.
Kókshetaýda baǵa sál joǵary. Munda salmaǵy 95 gr bolatyn kofe baǵasy 1600 teńgeden bastalyp 4699 teńgege deıin jetedi. Al Qostanaıda - 1753-4700, Taldyqorǵanda - 1780-3020 teńge.
Oral turǵyndary sýda tez erıtin kofeni 1800-4600 teńgege satyp alady. Semeı men Óskemende baǵa 1880 teńgeden bastalyp, 2450 teńgege jetedi.
Astanada kofeniń ortasha baǵasy 2045 teńgeden bastalyp, 4550 teńgege deıin jetedi. Tarazda da kofe baǵasy 2055-3885 teńge turady.
Qazaqstan boıynsha kofe baǵasy 3000 teńgege jýyqtaıtyn birneshe qala bar. Qaraǵandyda kofe baǵasy 2701 teńgeden bastalyp, 4105 teńgege deıin jetedi. Qyzylordada sýda tez erıtin sýsyn 2850 - 3800 teńge turady. Al eń qymbaty Jezqazǵan qalasynda bolyp shyqty. Munda baǵa 2970 teńgeden bastalyp, 4515 teńgege jetedi.
Aıta keteıik, ótken aptada Qazaqstanda buqtyrylǵan et jáne balyq baǵasy qansha turatynyn bildik.