Qazaqstanda shattyq toıyn toılaý da, shańyraqtyń shaıqalýy da kóbeıip tur
ASTANA. 13 shilde. QazAqparat - Aǵymdaǵy jyldyń qańtar-mamyrynda 55,4 myń jup nekege turdy. Bul týraly búgin brıfıng barysynda QR Statıstıka agenttiginiń tóraǵasy Álıhan Smaıylov málim etti.
«2012 jyldyń qańtar-mamyrynda AHAT organdarynda tirkelgen nekeler sany 7,8 paıyzǵa ósip, 55,4 myńdy qurady. Nekeniń jalpy koeffıtsıenti 1000 turǵynǵa 7,9 boldy», - dedi ol.
Degenmen agenttik basshysynyń sózine qaraǵanda, kótergen shańyraqtaryn shaıqaltqandardyń da qarasy sońǵy 5 aıdyń ishinde artyp otyr. Máselen, aǵymdaǵy jyldyń qańtar-mamyrynda ajyrasý sany 9,7 paıyzǵa ósip, 19,2 myń jup ekige jarylǵan. Ajyrasýdyń jalpy koefıtsıenti 1000 turǵynǵa 2,8-ge teń.
