Qazaqstanda shash qııý baǵasy qansha
NUR-SULTAN. QazAqparat - Elde jarııalanǵan Tótenshe jaǵdaıǵa baılanysty jumystaryn toqtatqan shashtarazdar 4 mamyrdan bastap jumystaryn bastady. Bul týraly QazAqparat Finprom.kz-ǵa silteme jasap habarlaıdy.
Elde jarııalanǵan Tótenshe jaǵdaıǵa baılanysty jumystaryn toqtatqan shashtarazdar 4 mamyrdan bastap jumysqa kiristi. Endi qazaqstandyq turǵyndar shash úlgisin qalpyna keltire alady. Shashtarazdar ashylǵanmen, sulýlyq salondary áli ashyla qoıǵan joq, sebebi basqa qyzmet túrleri uzaǵyraq ýaqyt alyp, aýrý juqtyryp alý qaýpin arttyrady.
QR Premer-Mınıstriniń resmı saıtynda kezek kútkender jınalyp qalmas úshin shashtarazǵa aldyn ala jazylyp qoıý kerektigi týraly jazylǵan .
Qazaqstanda áıelderdiń shashyn qııý naýryz aıynyń sońynda ortasha eseppen 1900 teńgeni qurady. Bul ótken aımen salystyrǵanda 0,4%, al ótken jyldyń naýryz aıymen salystyrǵanda 4,8% kóp.
Shash qııý Almaty turǵyndary úshin 4,7 myń teńge, Nur-Sultan turǵyndary úshin 4 myń teńge. Elimizde er adamdardyń shashyn qııý áıelderdiń shashyn qııýǵa qaraǵanda úshten bir bóligine arzan, ıaǵnı 1300 teńge. Bul aldyńǵy aımen salystyrǵanda 0,5%, al ótken jyldyń naýryz aıymen salystyrǵanda 6,6% qymbat.
Er adamnyń shashyn qııý Almatyda ortasha eseppen 2800 teńge bolsa, Nur-Sultanda 2100 teńge.
Jalpy alǵanda, shashtaraz qyzmeti bir aı ishinde 0,2%, al bir jyl ishinde 5,2% qymbattady.
