Qazaqstanda shańǵy sportynan tuńǵysh tehnıkalyq semınar ótip jatyr
ASTANA. QazAqparat - «Shymbulaq» taý shańǵy kesheninde halyqaralyq shańǵy sporty federatsııasynyń qazaqstandyq jattyqtyrýshylarǵa arnalǵan semınary ótip jatyr, dep habarlaıdy QazAqparat.
23 jeltoqsanǵa deıin jalǵasatyn semınar shveıtsarııalyq taý shańǵy sportshysy, Olımpıada oıyndary men álem chempıonatynyń júldegeri Brýno Kernenniń jetekshiligimen ótýde.
Taý shańǵysy sporty jattyqtyrýshylaryna arnalǵan tehnıkalyq kýrstar halyqaralyq Olımpıadalyq komıtettiń «Halyqaralyq yntymaqtastyq» baǵdarlamasy aıasynda ótkizilip otyr. Semınar barysynda shańǵy daıyndyǵynan bastap jarysty ótkizýge deıingi kóptegen suraqtar qaralyp jatyr.
«Olımpıadalyq yntymaqtastyq baǵdarlamasy boıynsha tehnıkalyq semınar elimizde tuńǵysh ret ótkizilip otyr. Semınar baǵdarlamasy aýqymdy, ári óte mańyzdy. Semınarda jattyǵýlardyń zamanaýı ádistemeleri, tıimdi jattyǵýlar sııaqty kókeıkesti máseleler qaralýda. Teorııalyq bilimdi dál sol kúni jarys jolyna shyǵyp pysyqtap alýǵa jaqsy múmkindik bar. Semınarǵa qatysýshylar jańa tájirıbe týraly joǵary baǵalaryn berip jatyr. Biz osy sııaqty semınarlardy turaqty ótkizýde kózdep otyrmyz», - deıdi Ulttyq shańǵy qaýymdastyǵynyń bas hatshysy Asqar Valıev.
Semınarǵa 60-qa jýyq adam qatysýda. Olardyń arasynda Qazaqstan quramasynyń jattyqtyrýshylary, óńirlerden kelgen bapkerler jáne sportshylar bar.
