Elimizde shampınon sańyraýqulaǵy qanshadan satylyp jatyr
ASTANA. KAZINFORM — Statıstıkaǵa súıensek, qazaqstandyqtar sańyraýqulaqty jıi qoldana bastaǵan. Sońǵy bes jylda elimizde shampınon óndirisi birneshe esege ósken. Kazinform agenttiginiń tilshisi sańyraýqulaqtardy tutynýdyń ósýi nege baılanysty ekenin anyqtap, óńirlerdegi ónim baǵasyn zerttep kórdi.
Iá, qazaqstandyqtar sańyraýqulaqtarǵa «táýeldi» bola bastaǵan. Byltyr jáne bıyl ónim molynan jınalǵan. Alaıda sańyraýqulaqtardy satý ótken jylmen salystyrǵanda tómendedi. Munyń sebebi sańyraýqulaqtardy jınaýǵa salyqtyń salynýymen baılanysty shyǵar.
Negizi salyq kommertsııalyq maqsatta jınaıtyndarǵa qatysty ekenin atap ótken jón. Ad qarapaıym turǵyndarǵa salyqsyz 25 kelige deıin sańyraýqulaq jınaýǵa ruqsat etiledi.
Sańyraýqulaqtar — óte paıdaly ónim. Olardyń quramynda kóptegen aqýyzdar bar, V, D, E, RR dárýmenderiniń búkil toby kezdesedi.
Sańyraýqulaqtar mıneraldarǵa baı. Biraq durys tańdalmasa, ýlanyp qalýyńyz ǵajap emes. Iá, sańyraýqulaqtarmen ýlanýdyń negizgi sebepteriniń biri — jeýge jaramdy jáne ýly sańyraýqulaqtardy durys tanı almaý.
Sondaı-aq ony óńdeý, saqtaý jáne pisirýge de abaı bolǵan abzal. Sodan bolar, qazaqstandyqtardyń kóbi sańyraýqulaqtardy sýpermarketterden satyp alǵandy jón kóredi.
Onyń ishinde eń úlken suranysqa ıe — shampınondar.
Baǵasyna toqtalsaq, barlyq óńirde shamamen 2000 teńgeden satylyp jatyr. Eń arzan shampınondardy Qaraǵandy oblysynan tabasyz.
Kómirli shaharda ónim baǵasy 1600 teńgeden bastalady. Al Taldyqorǵan men Qyzylordada shampınon qymbat. Onda baǵa 3500 teńgege deıin jetedi.
Nýtrıtsıologtardyń pikirinshe, shampınondar óte paıdaly ónim. Atalǵan ónim «jaman» holesterındi, mıgrendi, depressııalyq anemııany joıady.
Sańyraýqulaqtar aýyr metaldardyń tuzdaryn, ýly zattardy, toksınder men radıonýklıdterdi aǵzadan shyǵarýǵa kómektesedi.
Tirek-qımyl apparatynyń, tyrnaqtyń, tistiń jáne shashtyń jaǵdaıyn jaqsartady. Bastysy, sańyraýqulaqtardy saqtaý jáne daıyndaý erejelerin muqııat saqtańyz.
