Qazaqstanda shamamen 85 myń gektar jer sý únemdeý tehnologııasymen sýarylady

ASTANA. KAZINFORM — Ońtústik óńirlerde 59 myń gektarǵa jýyq jerge sý únemdeý tehnologııalary ornatylǵan. Bul týraly Sý resýrstary jáne ırrıgatsııa mınıstrligi málim etti. 

Onyń ishinde 15,5 myń gektarǵa jańbyrlatyp sýarý júıeleri, 29,4 myń gektarǵa tamshylatyp sýarý júıeleri qoldanylǵan, al 14,1 myń gektar jer lazerlik qurylǵymen tegistelgen. 2024 jyldyń qorytyndysyna sáıkes, el boıynsha shamamen 158 myń gektar jerge sý únemdeý tehnologııalary engizilgen bolatyn. Onyń ishinde ońtústik óńirlerge tıesilisi — 130 myń gektar shamasynda.

– Byltyr mınıstrligimiz fermerlerdiń sý únemdeý tehnologııalaryn satyp alýy men ornatýyna ketken shyǵynnyń ótemaqysyn 30%-ǵa arttyrdy. Sonymen qatar sýarmaly sýǵa saralanǵan sýbsıdııalar engizildi. Sý únemdeý júıelerin qoldanatyn sharýalar úshin sýbsıdııa kólemi 60%-dan 85%-ǵa deıin ulǵaıtyldy. Mundaı tehnologııalardy qoldaný sýarmaly sýdy 30%-ǵa deıin únemdeýge múmkindik beredi, – dedi QR SRIM Sý únemdeý tehnologııalaryn damytý departamentiniń dırektory Berikbol Mándibaev.

Qazir Qazaqstanda jańbyrlatyp jáne tamshylatyp sýarý qondyrǵylaryn shyǵaratyn tórt otandyq zaýyt jumys isteıdi. Olar Túrkistan oblysynda jáne Astana men Almaty qalalarynda ornalasqan. Bıyl Túrkistan oblysynda tamshylatyp sýarý jabdyqtaryn shyǵaratyn úsh zaýyt ashý josparlanyp otyr.

Eske sala keteıik, buǵan deıin bıyl ońtústiktegi dıqandarǵa sý byltyrǵydan 335 mln tekshe metrge artyq berilgenin jazǵan edik.