Qazaqstanda shamamen 700-ge jýyq esirtki túri anyqtaldy - mınıstr
Keıingi 5 jylda sıntetıkalyq esirtkini tárkileý kólemi 10 keliden 1 tonnaǵa deıin kúrt ósti. Bul týraly Májiliste esirtki qylmysyna qarsy is-qımyl taqyrybyndaǵy Úkimet saǵatynda Іshki ister mınıstri Erjan Sadenov aıtty, dep habarlaıdy Kazinform.
«Dúnıejúzinde myńnan astam esirtki túri bar. Qazaqstanda shamamen 700-ge jýyq esirtki nemese onyń analogtary bar. Eldegi esirtki ahýalyna úsh negizgi faktor áser etedi. ıAǵnı kannabıs shıkizaty, «Soltústik baǵyt» arqyly ótetin aýǵan geroıni, sıntetıkalyq esirtkiniń taralýy yqpal etedi. Bizdegi esirtki boıynsha ahýaldyń kúrdelenýine qarasaq kelesi kezeńderge bólýge bolady. Birinshiden, 1990-shy jyldary esirtki naryǵynda «marıhýana», «gashısh», «apıyn» kóbirek boldy jáne «geroınniń» alǵashqy partııalarynyń paıda bolýymen Sıpattalady. Osy kezeńde Qazaqstan Birikken Ulttar uıymynyń esirtkige qarsy barlyq úsh konventsııasyn ratıfıkatsııalady jáne ony baqylaýǵa alýdyń halyqaralyq júıesine qosyldy. 1998 jyly elimizde «Esirtki quraldary týraly» alǵashqy Zań qabyldandy. Ekinshiden, 2000-shy jyldary GEROIN nashaqorlyǵy órshı bastady. Inektsııalyq esirtkiler sol ýaqyttyń «derti» boldy.
Nashaqorlar bir shprıtsti paıdalanǵandyqtan, qoǵamda AITV aýrýlary tez tarala bastady», - dedi E. Sadenov.
Onyń aıtýynsha, 2015 jyldan bastap qazirge deıin «sıntetıkalyq esirtkiniń» jappaı taralýy baıqavldy. tap boldyq.
«Alǵashqyda bizdiń zańnama jedel áreket etýge múmkindik bermedi. 2019 jylǵa deıin esirtkiniń tizimi tek zań deńgeıinde retteletin. Tıisti normalarǵa ózgeris engizý bir jyldan astam ýaqyt alatyn. Osy aralyqta esirtki naryǵy baqylaýdan tys jańa zattarmen tolyǵyp úlgeretin. Bul esirtki taratýshylarǵa qoldanystaǵy zańnamany aınalyp ótýge múmkindik beretin. Osy protsess tipti kisi ólimimen aıaqtalatyn jańa esirtkiniń paıda bolýyna ákep soqtyrdy. Osyǵan tosqaýyl qoıý úshin biz zańnamany ózgerttik. Bul zań Úkimetke esirtki tizimin bekitý ókilettigin mindettedi. Qazirgi esirtki tizimin kelistiretin organdardy 11- den 3-ke deıin azaıtýdy qarastyryp jatyrmyz», - dedi mınıstr.
Bul rette ol jańa psıhıkalyq belsendi zattardy baqylaýǵa alýdyń naqty mehanızmi engizilgenin aıtty. Qazirgi kezde elimizde esirtkiniń barlyq túri baqylaýǵa alyndy. Ekinshiden, esirtkiniń jańa túrin tizimge qosý protsedýrasy 1 aıdyń ishinde iske asyrylady.
«Úshinshiden, elimizde esirtkiniń jańa túri paıda bolmaı turyp, ony baqylaý tetikteri júzege asyrylady. Atalǵan ózgerister engizilgen kúnnen bastap «sıntetıkalyq esirtkimen» kúresýdiń quqyqtyq quraldary paıda boldy. Keıingi 5 jylda «sıntetıkalyq esirtkini» tárkileý kólemi 10 keliden 1 tonnaǵa deıin kúrt ósti», - dedi Erjan Sadenov.
