Qazaqstanda shamadan tys júk artyp jolǵa shyqqan 830-ǵa jýyq kólik anyqtaldy

NUR-SULTAN. QazAqparat – Elimizde shamadan tys júk artyp jolǵa shyqqan 830-ǵa jýyq kólik anyqtaldy. Bul derek kóliktik baqylaý organdarynyń bıylǵy І toqsandaǵy jumysynyń qorytyndysynda málim boldy, dep habarlaıdy QazAqparat QR IIDM baspasóz qyzmetine silteme jasap.

«2020 jyldyń 1 toqsanynyń qorytyndysy boıynsha kóliktik baqylaý organdary 28 032 júk avtokóligin tekserip, zań talaptaryn buzǵan 4 231 avtokólikti anyqtady. Onyń ishinde 219 sheteldik kólik quraly jol júrýge beriletin ruqsat júıesin buzǵan. 827 júk kóliginiń shamadan tys júkpen júrip ótýine tosqaýyl qoıyldy. Jalpy alǵanda 198 mln teńgege aıyppul salynyp, óndirildi», delingen habarlamada.
Sonymen qatar, atalǵan kezeńde 46 sharýashylyq sýbektisi tekserilip, 34 zań buzýshylyq anyqtaldy jáne 30 zań buzýshylyqty joıý týraly uıǵarym berildi. Kólik júrgizýshileriniń eńbek jáne demalys rejımin buzǵany úshin 2382 ákimshilik materıal resimdelip, 29 mln 245 myń teńge somasynda aıyppul óndirildi. Bul sharalar jalpy tasymaldaý (jolaýshylardy, júkterdi jáne qaýipti júkterdi tasymaldaý) qaýipsizdigine oń áser etip otyr.