Qazaqstanda shalǵaı aýyl turǵyndaryna tegin medıtsınalyq kómek kórsetiledi

ASTANA. QazAqparat - 2015 jylǵy 1 shilde men 31 tamyz aralyǵynda respýblıka boıynsha Ulttyq salaýatty ómir saltyn qalyptastyrý ortalyǵy uıymdastyrǵan «Densaýlyq joly - 2015» keń aýqymdy aktsııasy ótedi, dep habarlady QR Densaýlyq saqtaý jáne áleýmettik damý mınıstrliginiń baspasóz qyzmeti.

Aktsııa aıasynda terapevt, ftızıatr, basqa da mamandardan quralǵan jedel top eldiń shalǵaı aýyldaryn aralaıdy. Aýyl turǵyndary týberkýlez VICh/AITV sııaqty áleýmettik mańyzy bar aýrýlardyń aldyn alý boıynsha konsýltatsııa alyp, tegin tekserýden óte alady.

Shara maqsaty jurtshylyq pen memlekettik organdardyń nazaryn aýyldyqtardyń densaýlyǵyn saqtaý men nyǵaıtý, olarǵa salaýatty ómir saltyn qalyptastyrý, áleýmettik mańyzy bar aýrýlardyń aldyn alý, minez-qulyq táýekel faktorlarynyń taralýyn tómendetý máselelerinde aýyl halqyna aqparattyq, bilim berý, praktıkalyq kómek kórsetý problemasyna nazaryn aýdarý bolyp tabylady.