Qazaqstanda shahmattan oqýshylardyń álem chempıonaty ótýi múmkin

ASTANA. QazAqparat – Qazaqstan shahmat federatsııasy FIDE-men birlesip shahmattan oqýshylar arasynda komandalyq jarys ótkizý jaǵyn talqylap jatyr. Oqýshylar arasynda álem chempıonatyn ótkizý múmkindigi de qarastyrylmaq. Bul týraly federatsııanyń birinshi vıtse-prezıdenti Dármen Sádýaqasov málim etti, dep habarlaıdy QazAqparat tilshisi.

«Bizdiń federatsııanyń aýdıtorııasy ártúrli. Onyń ishinde kásibı jáne áýesqoı shahmatshylar da bar. Óz kezegimizde barlyq shahmat aýdıtorııasyn qamtýǵa tyrysamyz. Osy oraıda, mektep oqýshylaryna arnalǵan bastamamyz bar. Naqtyraq aıtqanda, qazir FIDE-men birge shahmattan oqýshylar arasynda komandalyq jarys ótkizý jaǵyn talqylap jatyrmyz. Atalǵan sharany bıyl jahandyq deńgeıde uıymdastyrmaqpyz. Sondaı-aq, shahmattan oqýshylar arasynda álem chempıonaty ótýi de múmkin», - dedi Dármen Sádýaqasov ortalyq kommýnıkatsııalar alańynda ótken baspasóz máslıhatynda.

Odan bólek, spıker shahmattan stýdentter arasynda lıga uıymdastyrý jaǵyn sóz etti.

«Sonymen qatar, ótken jyly shahmattan korporatıvtik týrnır ótkizýdi qolǵa aldyq. Byltyr alǵash uıymdastyrylǵan týrnırge túrli uıym qatysty. Árıne, áýesqoı shahmatshylardy da esten shyǵarmaımyz. Osylaısha, elimizde shahmat oıynyn jetildirip, oǵan qyzyǵýshylardyń sanyn arttyra túspekpiz», - deıdi ol.