Qazaqstanda shahmatqa qyzyǵatyn balalardyń sany artýda (FOTO)
ASTANA. QazAqparat - Sońǵy jyldary Qazaqstanda shahmatqa qyzyǵatyn balalardyń sany artyp kele jatyr. Bul týraly búgin Astanada 16 dúrkin álem chempıony Anatolıı Karpovtyń birmezgildik oıyn seansy barysynda Qazaqstan shahmat federatsııasynyń vıtse-prezıdenti Erkin Israılov aıtty.
«Sońǵy 3-4 jylda elimizde shahmatqa qyzyǵatyn balalardyń sany óte jyldam ósip keledi. Bizdiń balalar quramasy úlken jetistikterge jetýde. Sońǵy 5 jylda biz balalar jáne oqýshylar arasyndaǵy álemdik deńgeıdegi túrli chempıonattarda túrli dárejedegi 20 shaqty medal utyp aldyq, olardyń jartysyna jýyǵy altyn medaldar», - dedi Erkin Israılov.
Onyń aıtýynsha, sporttyń osy túriniń elimizde qarqyndy damýy ár óńirde shahmat úıirmeleriniń kóptep ashylýyna jáne el quramasynyń túrli halyqaralyq jarystarǵa jıi qatysýyna tikeleı baılanysty.
