Qazaqstanda shahmat mektep baǵdarlamasyna engiziledi

ALMATY. QazAqparat - Qazaqstanda shahmatty damytý jol kartasy ázirlenip jatyr. Bul týraly Almaty qalasynyń óńirlik kommýnıkatsııalar qyzmeti brıfınginde Qazaqstan shahmat federatsııasynyń atqarýshy dırektory Gúlmıra Dáýletova aıtty, dep habarlaıdy QazAqparat tilshisi.

«Biz 2016 jyly Qazaqstanda 2-4 synyp oqýshylary arasynda shahmatty úıretý baǵdarlamasyn bastaǵan bolatynbyz. Alaıda, pandemııa kezinde bul jobamyz sál toqtap qalǵan edi. Qazirgi tańda bul baǵdarlamany qaıta bastap jatyrmyz. ıAǵnı, biz endi 1-4 synyptar arasynda shahmat oınaýdy úıretetin bolamyz. Qazir shahmatty damytý jol kartasy daıyndalyp jatyr. Bıyl qyrkúıek aıynan bastap 30-ǵa jýyq mektepte baǵdarlama pılottyq joba retinde bastalady», - dedi Gúlmıra Dáýletova.

Onyń sózinshe, Qazaqstanda búgingi kúni 7 myńǵa jýyq shahmat sektsııasy bar.

«Bul shahmat sektsııalary mektepterde ornalasqan. Qazirgi tańda Qazaqstan da 200 myńnan astam shahmatshy bar. Olardyń sany kún saıyn ósip keledi. Almatyda shamamen 50 myńnan astam shahmatshy bar. Biz bul sandardy Mádenıet jáne sport mınıstrliginiń málimetine súıenip aıtyp otyrmyz», - dedi QShF atqarýshy dırektory Gúlmıra Dáýletova.