Qazaqstanda shaǵyn bıznesti múshelik jarnadan bosatýy múmkin

NUR-SULTAN. QazAqparat – Qazaqstanda shaǵyn bıznesti kásipkerlerdiń ulttyq palatasyna tóleıtin múshelik jarnadan bosatý máselesi kóterildi, dep habarlaıdy QazAqparat tilshisi.

«Transformatsııalaý jónindegi jumys toby shaǵyn bıznesti múshelik jarna tóleýden bosatýdy usyndy. Búgingi tańda 21 myńnan astam shaǵyn bıznes sýbektisi bar. ıAǵnı jalpy bıznestiń 74% -y mindetti múshelik jarna tóleıdi. Osy oraıda jarnadan túsetin paıda 1,2 mlrd teńgeni qurap otyr. Eger atalǵan usynys búgingi sezde qoldaý taýyp, sheshim qabyldansa, onda ulttyq kásipkerler palatasyna múshelik jarna tóleýshilerdiń sany 29 myńnan 7 myńǵa deıin azaıady. ıAǵnı 4 esege qysqarady», - dedi «Atameken» UKP basqarma tóraǵasynyń birinshi orynbasary Narıman Ábilshaıyqov elordada ótip jatqan kezekten tys ІH sezde.

Tóraǵa orynbasarynyń málimdeýinshe, atalǵan shara shaǵyn bıznes úshin aıtarlyqtaı qoldaý.

«Óz kezegimizde 1,2 mlrd teńge túsim shyǵynyn palata shyǵynyn ońtaılandyrý esebinen óteýdi usynamyz. Ulttyq kásipkerler palatasy týraly zańnyń 29 babyna sáıkes, múshelik jarnalar sezd otyrysynda bekitiledi. Osylaısha shaǵyn bıznes sýbektilerin ulttyq palataǵa mindetti múshelik jarnalardan bosatý týraly sheshim qabyldaýdy usynamyz. Jáne aldaǵy ýaqytta ulttyq kásipkerler palatasy týraly zańǵa tıisti norma engizilsin. Qoldaýlaryńyzdy suraımyn», - deıdi ol.