Qazaqstanda Seısmıkalyq qaýipsizdik týraly zań ázirleý qajettigi usynyldy

ALMATY. QazAqparat - Qazaqstanda «Seısmıkalyq qaýipsizdik týraly Zań» ázirleý usynyldy. Mundaı usynysty búgin Almatyda Tótenshe jaǵdaılar departamentinde ótken QR Parlamenti Senatynyń halyqaralyq qatynastar, qorǵanys jáne qaýipsizdik komıtetiniń kóshpeli otyrysynda «Seısmologııa ınıstıtýty» JShS-nyń dırektory Tańatqan Abaqanov jasady, dep habarlady QazAqparat.

Almatydaǵy kóshpeli otyrys Senat depýtaty, atalǵan komıtet tóraıymy Darıǵa Nazarbaevanyń jetekshiligimen ótti.

«Qazaqstanda «Seısmıkalyq qaýipsizdik» týraly zań ázirleý kerek. Atalǵan zań seısmoqaýipsizdikke qatysty máselelerdi naqtylap, seısmologııa qyzmetiniń deńgeıin kóteredi», - dedi T.Abaqanov.

Bul usynysty Darıǵa Nazarbaeva qoldady.

«Seısmıkalyq qaýipsizdik týraly» zań ázirleý bastamasyna qoldaý tanytýymyz qajet dep oılaımyn. Bul zańda quzyrly mamandar men túrli mekemelerdiń mindetterin anyqtaımyz. Munda kadr daıyndaý máselesi júzege asady, ol adamdar sosyn qajet maman bolady», - dedi D.Nazarbaeva.

Aıta keteıik, búgin Almaty qalasyndaǵy Tótenshe jaǵdaılar departamentiniń bazasynda QR Parlamenti Senatynyń depýtaty Darıǵa Nazarbaevanyń tóraǵalyǵymen Senattyń halyqaralyq qatynastar, qorǵanys jáne qaýipsizdik komıtetiniń kóshpeli otyrysy ótti. Otyrysta «Azamattyq qorǵaý týraly»  Qazaqstan Zańyn iske asyrý máseleleri talqylandy.