Qazaqstanda Senat depýtattarynyń saılaýy talapqa saı ótetinine senimdimiz - TMD baıqaýshylary mıssııasynyń basshysy S.Lebedev
TANA. 18 tamyz. QazAqparat /Aıdar Ospanalıev/ - «Qazaqstanda Senat depýtattarynyń saılaýy talapqa saı ótetinine senimdimiz»,-deıdi Táýelsiz memleketter dostastyǵy uıymyna múshe memleketterdiń baıqaýshylar mıssııasynyń basshysy Sergeı Lebedev.
Bul týraly oıyn ol búgin Ortalyq saılaý komıssııasynyń tóraǵasy Qýandyq Turǵanqulovpen bolǵan kezdesýi barysynda bildirdi.
«Qazaqstanda Senat depýtattarynyń saılaýyna barlyq qurylymdar men bılik ókilderi úlken jaýapkershilikpen qarap otyr. Osyǵan qaraı biz de osy jolǵy saılaýdyń talapqa saı ótetindigine senimdimiz. ıAǵnı qazaqstandyqtardyń jeke tańdaý jasaýǵa degen quqyqtary tolyǵymen oryndalady. Bul rette bizdi Senat depýtattyǵyna umtylyp otyrǵan adamdardyń kóptigi qýantady. ıAǵnı qazaqstandyqtardyń shyn máninde tańdaý jasaýǵa múmkindigi bar»,-dedi S.Lebedev.
Sondaı-aq ol sózinde TMD baıqaýshylarynyń Qazaqstannyń qaı jerine barmasa da qonaqjaılylyqty kórip otyrǵandyǵyn atap kórsetti. «Munda baıqaýshylardyń jumys isteýlerine barlyq múmkindikter jasalyp otyr. Biz barlyq aqparattarmen qajetti qujattarmen qamtamasyz etilýdemiz. Qoryta kelgende, biz saılaýdyń daıyndyq barysyn búge-shigesine deıin tolyq baqylap otyrmyz dep tolyq senimmen aıta alamyn»,-dedi mıssııa basshysy.
