Qazaqstanda selden qorǵaıtyn qosymsha úsh bóget salynady
QR ІІM TJK bastyǵynyń orynbasary Talǵat Nurmaǵambetovtiń aıtýynsha, qazir Qazaqstannyń taýly aımaqtarynda erigen muzdyqtardyń kólemi kóbeıe túsken. Buǵan búkil álemdegi klımattyń ózgerýi yqpal etýde. Osyǵan baılanysty sel qaýipsizdiginiń aldyn alý sharalaryn nyǵaıtý kózdelip otyr.
«Birinshi kezekte qandaı qaýip turǵanyn baqylaý mańyzdy. Sebebi sońǵy 3 jylda muzdyq kólderiniń sany 10%-ǵa artqan. Júrgizilgen zertteýlerdiń nátıjesinde sel qaýpiniń aldyn alatyn 3 bóget salý josparlandy. Buǵan 100 mln AQSh dollary shamasynda qarjy jumsalady», - dedi Talǵat Nurmaǵambetov.
Odan bólek sý tasqynynyń aldyn alý sharalary da nyǵaıa túspek.
«2018 jyly 204 shara júzege asyryldy. Oǵan 38 mln AQSh dollary jumsaldy. Bul qarajat 107 bóget, 71 gıdrotehnıkalyq qurylǵy, 8 kópir, 12 avtojol salýǵa baǵyttaldy», - dedi ol.