Qazaqstanda segiz jyldyń ishinde EKO-men 2,7 myń bala dúnıege keldi
ALMATY. QazAqparat - Qazaqstanda bıýdjettik EKO baǵdarlamasynyń kómegimen 2010-2018 jyldary 2 myń 700-den astam bala dúnıege keldi. Bul týraly Densaýlyq saqtaý mınıstri Eljan Birtanov málim etti, dep habarlaıdy QazAqparat mınıstrliktiń baspasóz qyzmetine silteme jasap.
Búgin Almatyda «Bedeýlikti emdeýdiń zamanaýı tásilderi. QRT: búgini men bolashaǵy» atty halyqaralyq ǵylymı-tájirıbelik konferentsııa ótti. Halyqaralyq sharaǵa 18 memlekettiń reprodýktıvti medıtsına salasyndaǵy sarapshylary qatysýda.
Jıynda Densaýlyq saqtaý mınıstri Eljan Birtanov Qazaqstanda tegin mindetti kómek boıynsha reprodýktıvti densaýlyqqa, aýrýlardy erte anyqtaýǵa erekshe kóńil bólingenin jáne Medıtsınalyq-sanıtarııalyq alǵashqy kómek kórsetý deńgeıinde dınamıkalyq baqylaýda ekenin aıtty.
«Memleket MSAK boıynsha úshinshi jáne tórtinshi deńgeıde qyzmetter keshenin usyna otyryp, ana men balanyń densaýlyǵyn únemi qatań baqylaýda ustaımyz. MSAK deńgeıinde 300 astam Otbasyn josparlaý kabıneti jáne 117 Jastar densaýlyq ortalyǵy jumys isteıdi» - dedi ol.
Mınıstrdiń aıtýynsha, bul sharalar ıntegratsııalanǵan, áleýmettik, qoljetimdi jáne sapaly medıtsınalyq kómekti damytýǵa baǵyttalǵan. Vedomstvo MSAK deńgeıinen bastap ıntegratsııalanǵan modelge jekelegen qyzmetterdiń kópbeıindi tásilin qaıta baǵdarlaý boıynsha birqatar reformalar júrgizýde.
«Qazaqstan DDSU qoldaýymen 1978 jyl Almatyda jáne qyryq jyldan keıin Astanada qabyldanǵan MSAK jónindegi eki deklaratsııasynyń otany bola otyryp, densaýlyq saqtaý júıesiniń irgetasy - bastapqy býyndy nyǵaıtýda jáne qaıta qurýda úlken áleýetti kórip otyrmyz», - dedi mınıstr.
Qosalqy reprodýktıvti tehnologııalar, sonyń ishinde ekstrakorporaldyq uryqtandyrý (EKU) bizdiń elimizde 20 jyl buryn engizilgen. Qazaqstanda EKU kómegimen alǵashqy bala 1996 jyly dúnıege keldi.
Aıta ketý kerek, EKU baǵdarlamasy TMKKK 2010 jyldan bastap engizilgen jáne osy aralyqta memleket bólgen tegin EKU tsıklderiniń sany 9 esege ósti (jylyna 100-den 900-ge deıin).
«Bedeýlikke shaldyqqan qazaqstandyq otbasylardy memlekettik qoldaý maqsatynda zamanaýı qosalqy reprodýktıvti tehnologııa arqyly 5,5 myńnan astam protsedýra jasaldy. Tek 2010-2018 jyldary Qazaqstanda bıýdjettik baǵdarlamanyń arqasynda 2700 astam bala dúnıege keldi», - dedi Eljan Birtanov.
Búginde elimizde EKU baǵdarlamasy boıynsha úlken tájirıbesi bar 1 memlekettik jáne 5 jeke menshik klınıka jumys isteýde.
«Medıtsınalyq qyzmetter boıynsha memlekettik tapsyrysty jeke medıtsınalyq uıymdarǵa berý isin jalǵastyramyz. Patsıentter menshik nysanyna jáne ornalasqan jerine qaramastan kez kelgen klınıkany tańdaýǵa quqyly» – dedi Mınıstr.
Sondaı-aq, ol qosalqy reprodýktıvti tehnologııalar klınıkalary jyl saıyn júzdegen sheteldik patsıentterdi qabyldap, medıtsınalyq týrızmdi damytýda kóshbasshy ekenin atap ótti.
Esterińizge salaıyq, 1-2 qarashada Almatyda «Bedeýlikti emdeýdiń zamanaýı tásilderi. QRT: búgini men bolashaǵy» atty Halyqaralyq ǵylymı-tájirıbelik konferentsııa ótedi. Jıynǵa Reseı, Ýkraına, Grýzııa, Germanııa, Izraıl jáne Qazaqstannyń reprodýktıvti medıtsına salasyndaǵy sarapshylary qatysýda.
