Qazaqstanda saılaýǵa kelýshiler legi álemniń barlyq elderinen asyp tústi - QHR baqylaýshysy
ASTANA. QazAqparat - QR Prezıdentiniń saılaýy zańnamaǵa jáne jalpy qabyldanǵan normalarǵa sáıkes uıymdastyryldy. Bul týraly QR Prezıdenti saılaýyn baqylaý úshin Qytaıdan kelgen delegatsııa múshesi Fenlın Lı málimdedi.
«Kóptegen kezdesýler ótkizdik. Bizde Ortalyq saılaý komıssııasy tyńǵylyqty daıyndalǵan eken degen áser qalyptasty. Saılaý uıymshyldyqpen, tynysh ótti. Saılaýshylardyń belsendiligine qýandyq. Halyq uzyn-sonar kezekke turyp daýys berdi, bul degen tamasha», - dedi Qytaı baıqaýshysy.
«Qazir saılaýdyń aldyn ala nátıjesi habarlandy. Saılaýshylardyń qatysý paıyzy barsha elderden asyp túsetin joǵary kórsetkishti kórsetti. Bul qýanarlyq jaǵdaı. Sondyqtan bizdiń delegatsııa saılaýdy Konstıtýtsııaǵa, saılaý týraly zańǵa jáne jalpy qabyldanǵan halyqaralyq qaǵıdattarǵa sáıkes ótti dep sanaıdy. Saılaý zańdy, demokratııalyq, ashyq ári ádil ótti», - dep atap ótti F. Lı.
