Qazaqstanda saılaýǵa qatysatyn saıası partııalarǵa teńdeı jaǵdaı jasalǵan - ShYU mıssııasynyń basshysy A.Nosırov
«Kezdesý barysynda OSK tóraǵasy Májilis depýtattary saılaýyna daıyndyq barysymen tanystyrdy. Jalpy, men Qazaqstandaǵy saılaýǵa baılanysty jarııalanǵan birqatar maqalamen tanysyp shyqqan edim. Bul rette Ortalyqsaılaý komıssııasy belsendi jumys istep, atqarylǵan ister jaıyndaǵy aqparattaryn únemi jańartyp otyratyndyǵyn baıqadym. Basylymdarda saılaýǵa qatysatyn saıası partııalarǵa teńdeı jaǵdaı jasalǵan», - dedi kezdesýden keıin BAQ ókilderine suhbat bergen A.Nosırov.
Sonymen qatar ol sózinde ShYU mıssııasy ókilderi búgin-erteń keletindigin, sodan keıin qaı ýchaskelerde baıqaý júrgizetindikterin aıqyndaıtyndyqtaryn atap ótti.
«Al 21 naýryz kúni Shanhaı yntymaqtastyq uıymy atynan málimdeme jasaýǵa tyrysatyn bolamyz. Búgin biz QR Syrtqy ister mınıstriniń orynbasary Aqylbek Kamaldınovpen kezdesý ótkizýdik. Kezdesý barysynda QR Syrtqy ister mınıstrine ShYU jumysyna aıryqsha kóńil bólgendigine jáne saılaýǵa baıqaýshy retinde shaqyrtý jibergendigine rızashylyǵymyzdy bildirdik», - dedi ol.
Aıta keteıik, 20 naýryzda ótetin QR Parlamenti Májilisi men barlyq deńgeıdegi máslıhat depýtattary saılaýyn 957 sheteldik baıqaýshy baıqaıdy. Olardyń ishinde EQYU/DIAQB-nyń - 286, TMD Mıssııasynyń - 301, Shanhaı Yntymaqtastyq Uıymynyń -9, EQYU Parlamenttik Assambleıasynyń - 76, Eýropa Keńesiniń Parlamenttik Assambleıasynyń -14, Túrkitildes elder yntymaqtastyǵy Keńesiniń - 17, Islam yntymaqtastyǵy uıymynyń - 3, Túrkitildes elderdiń Parlamenttik Assambleıasynyń - 8, shet memleketterdiń 103 baıqaýshysy, munan bólek, Qazaqstan Respýblıkasy Syrtqy ister mınıstrligi akkredıttegen 29 memleketten sheteldik BAQ-tyń 140 ókili bar.
