Qazaqstanda saılaýda daýys berýge qolaıly jaǵdaı jasalǵan - reseılik baıqaýshylar
Reseıdiń Máskeý oblysy saılaý komıssııasynyń apparat keńesshisi Andreı Gorıachıh osy oraıda óz kózqarasyn bildirdi.
«Men baıqaýshy retinde Qazaqstanǵa alǵash ret qadam basyp otyrmyn. Búgingi shara barysynda jergilikti turǵyndardyń belsendiligi aıqyn kórinip otyr. Árbir turǵyn óz tańdaýyn jasaýǵa yqylas bildirgenin baıqadyq. Osyndaı jaýapkershilikti sezingen árbir azamattyń belsendiligi bizdi qýantty. Saılaý ýchaskesinde halyqtyń daýys berýine barlyq jaǵdaı jasalǵan. Sondaı-aq, ýchaskelik kabınetter qolaıly tańdalǵan. Ol halyqqa da, baıqaýshylarǵa da qolaıly bolyp otyr. Saılaý ashyq túrde ótip jatyr», - dedi Andreı Gorıachıh.
Sondaı-aq, Reseıdiń Saratov oblystyq saılaý komıssııasynyń tóraǵasy Vladımır Pısarıýk te Qyzylorda oblysynda baıqaýshy retinde keldi.
Onyń aıtýynsha, mańyzdy naýqan joǵary deńgeıde ótip jatyr.
«Biz búgingi kúnge deıin saılaýaldy daıyndyqty pysyqtadyq. Sol sharalar barysynda saılaý komıssııasynyń ázirligi, turǵyndardyń daýys berýi úshin qolaıly jaǵdaı týǵyzý máselesine nazar aýdardyq. Mańyzdy sharanyń uıymdastyrý deńgeıi bizdiń kóńilimizden shyqty. Daýys berýge kelgen azamattardyń belsendiligi kózge tústi. Qazirge deıin eshqandaı óreskel olqylyqtyń kózimiz shalǵan joq. Árbir saılaý komıssııasy óz qyzmetin durys atqaryp otyr dep sanaımyn», - dedi Vladımır Pısarıýk.
Syr óńirindegi saılaýdyń barysyn baıqaý úshin oblysqa 2 uzaq merzimdik jáne 13 qysqa merzimdik sheteldik baıqaýshy tirkelgen. Olar tańerteńnen beri oblys ortalyǵy, aýdan men qalalardaǵy jáne aýyldaǵy ýchaskelerdi aralap, saılaý barysyn baıqap júr. Qyzylorda oblysynda 490 myńnan astam saılaýshy tirkelgen.
Budan buryn Qyzylordada saılaý kúni tańerteń 10 sábı dúnıege kelgenin habarlaǵan edik.
Sondaı-aq, tańererteńgilik Qyzylorda oblysynyń Qyrymbek Kósherbaev óz tańdaýyn jasady.
