Qazaqstanda saılaýaldy naýqany ári mazmundy ári tynysh ótti - «Vlast» baspa úıiniń redaktory V. Abramov
ALMATY. QazAqparat- Qazaqstanda kezekten tys Prezıdent saılaýyna daıyndyq naýqany mazmundy ári tynysh ótti. Bul týraly QazAqparat tilshisine «Vlast» baspa úıiniń redaktory Vıacheslav Abramov málim etti.
«Elimizde bıylǵy saılaý naýqanyn Qazaqstanda buǵan deıin bolǵan saılaýlardyń ishindegi eń tynysh ótken naýqan deýge bolady. Munyń sebepteri kóp. Solardyń biri - kandıdattardyń birqatarynyń saılaýǵa deıin halyqqa asa tanymal bolmaýy. Biraq eń basty sebep - saılaý nátıjesiniń aıqyndyǵy», - dedi V. Abramov.
Biraq, sarapshynyń aıtýynsha, buǵan qarap bul saılaýaldy naýqanyn sylbyr ótti deýge bolmaıdy. Óıtkeni, bul saılaý buqaralyq aqparat quraldarynda keńinen baıandaldy. Sondaı-aq úmitkerler ózderiniń tuǵyrnamalaryn, baǵdarlamalaryn tanystyrý úshin saılaýshylarmen kóptegen kezdesýler ótkizdi.
«Sondyqtan, qysqasha aıtqanda bul saılaýaldy naýqanyn joǵary deńgeıde uıymdastyryldy dep aıtýǵa bolady» - dedi «Vlast» baspa úıiniń bas redaktory.
