Qazaqstanda saılaý ótkizýdiń júıesi qalyptasqan - Olga Kovalchýk
QYZYLORDA. QazAqparat- QR Parlamenti Májilisi men máslıhattarynyń depýtattaryn saılaýǵa qatysýda halyqtyń belsendiligi baıqalady. Jalpy búgingi kúngi saılaý barysynan túıgen oıym: sizderdiń elde bul protsestiń júıesi qalyptasqan, - dedi búgin Reseıden kelgen baıqaýshy Olga Kovalchýk jýrnalıstermen ótken brıfıng barysynda.
Munan ári ol: «Búgingi saılaý óz retimen shashaý shyqpaı ótti, dep tolyq aıta alamyn. Halyqtyń saıası naýqanǵa qyzyǵýshylyǵy óte joǵary. Barlyǵy zańdy ári demokratııalyq negizde uıymdastyrylǵan.
Men óz basym ázirge eshqandaı kem-ketikterdi baıqaǵan joqpyn. Halyqtan saılaýǵa qatysty eshqandaı aryz-shaǵym túsken joq. Barlyǵy merekelik kóńil-kúıde ótti. Bul meniń Qazaqstanǵa alǵash kelýim. Men Qazaqstanǵa baıqaýshy bolyp kelgenime óte rızamyn. Sizderdi alda kele jatqan kóktemniń alǵashqy kúni 22 Naýryz merekesimen de shyn júrekten quttyqtaǵym keledi»,-dep qorytty sózin Olga Kovalchýk.
