Qazaqstanda saılaý merekege balanady - Serbııa baıqaýshysy
ASTANA. QazAqparat - Qazaqstanda saılaý mereke sekildi ótedi. Bul týraly búgin QR Parlamenti Májilisin saılaý barysyn baqylaýǵa kelgen sheteldik delegattardyń baspasóz máslıxatynda serbııalyq baıqaýshy Dragomır Karıch málim etti.
«Men kóptegen memleketterde saılaý barysyn baıqaýshy retinde boldym. Qazaqstannan shaqyrtý alǵanyma qýanyshtymyn. Men ózimniń áriptesterimmen birge Astanadaǵy birqatar saılaý ýchaskelerinde boldym, saılaý berý barysyn qarap, saılaýshylarmen sóılestim. Depýtat retinde aıtarym, Qazaqstanda saılaý úlken mereke sekildi», - deıdi ol.
Onyń aıtýynsha, tańerteńnen bastap saılaý ýchaskelerindegi xalyqtyń sany óte kóp.
«Barlyqtary óz otbasylarymen birge kelgen, barlyǵy mereke ótip jatqandaı daıyndalyp kelgeni de kórinip turdy. Daýys berýge kelip jatqan xalyqtyń kóptigine rıza boldym, sebebi bul saılaýdyń ashyq ótýine áser etedi. Bul óte mańyzdy», - dep atap ótti D. Karıch.
Aıta keteıik, QR Parlamenti Májilisiniń depýtattaryn saılaý barysyn baqylaýǵa 817 xalyqaralyq baıqaýshy men 147 sheteldik BAQ ókilderi kelip otyr.
