Qazaqstanda saılaý komıssııalarynyń múshelerin oqytý uıymdastyryldy
Kún tártibindegi másele boıynsha Ortalyq saılaý komıssııasynyń hatshysy Sabıla Mustafına baıandama jasady. Ol elektoraldyq oqytýdy uıymdastyrý qorytyndysy boıynsha respýblıka kóleminde 5 180 oqytý is-sharasy ótkizilgenin habarlady. Onyń ishinde:
- Ortsaılaýkom deńgeıinde - 40 oqytý is-sharasy, sonyń barysynda aýmaqtyq saılaý komıssııalarynyń 1 007 múshesi jáne saılaýdyń basqa da 1 454 qatysýshysy oqytyldy;
- óńirlik deńgeıde – 5 140 is-shara, qatysýshylardyń jıyntyq sany-148 062 adam.
Elektoraldyq oqytý aıasynda Ortsaılaýkom saılaý komıssııasy múshelerin oqytý úshin eki oqý-ádistemelik keshen, sondaı-aq saılaý protsesiniń basqa da qatysýshylarynyń sanattary úshin elektoraldyq oqytý tujyrymdamasy ázirlendi. 105 keısten turatyn ahýaldyq tapsyrmalar kesheni, sondaı-aq ASK jáne ÝSK músheleriniń eki jekelegen sanaty úshin memlekettik jáne orys tilderinde eki oqytý modýli boıynsha testileýge arnalǵan 420 suraqtan turatyn test tapsyrmalarynyń Banki qalyptastyryldy.
Budan basqa, saılaý komıssııalarynyń músheleri úshin «Daýys berý kúni» oqytý fılmi, úsh ádistemelik qural (ASK, ÝSK músheleri, halyqaralyq baıqaýshylar úshin), jadynama men trafaret (múmkindikteri shekteýli jáne kórý qabileti buzylǵan adamdar úshin), jeti aqparattyq plakat (saılaýshylar úshin), saılaý protsesine qatysýshylardyń barlyq sanattary úshin oqytý jáne aqparattyq-túsindirý baǵytyndaǵy beınerolıkter, múmkindikteri shekteýli adamdar úshin tıisti aýdıo ónimder ázirlendi. Joǵaryda atalǵan barlyq oqý jáne ádistemelik materıaldar QR OSK ınternet-resýrsynda ornalastyrylǵan.
Sonymen qatar, elektoraldy oqytý sheńberinde saılaý protsesine qatysýshylar «Saılaý salasynyń kadrlaryn qashyqtan oqytý jáne testileý» ınteraktıvti oqytý júıesi boıynsha oqytýdan ótti. Paıdalanýshynyń qol jetimdiligi men yńǵaılylyǵyn jekelendirýdi qamtamasyz etý úshin tıisti ınteraktıvti platformasynyń mobıldi nusqasy jasaldy. Qazirgi kezde saılaý komıssııalary músheleriniń jalpy sanynyń 98,4 paıyzy qashyqtan oqytý júıesi arqyly ótti.
Baıandama aıasynda S. Mustafına saılaý taǵaıyndalǵan sátten bastap pandemııa jaǵdaıynda Ortsaılaýkomnyń barlyq otyrystary onlaın-rejımde jáne sýrdoaýdarmamen qamtamasyz etile otyryp ótkiziletinin atap ótti. OSK ınternet-resýrsynda saılaý jáne oqytý boıynsha telegramm-arna jáne arnaıy bólimder jumys isteıdi.
