Qazaqstanda saılaý bıýlletenin daıyndaýǵa 132 742 225 teńge jumsaldy

NUR-SULTAN. QazAqparat - 2019 jylǵy 9 maýsymǵa taǵaıyndalǵan Qazaqstan Respýblıkasy Prezıdentiniń kezekten tys saılaýyna saılaý bıýlletenin daıyndaýǵa 132 742 225 mln teńge jumsaldy. Bul týraly QR Ortalyq saılaý komıssııasynyń hatshysy Sábıla Mustafına aıtty, dep habarlaıdy QazAqparat tilshisi.

«Ortalyq saılaý komıssııasy saılaý bıýlletenderin jasaý úshin «Jaryq KO» seriktestigimen kelisimshart jasasý týraly sheshim qabyldady. Biz atalǵan seriktestikten bir bıýlletendi jasaý qunyn 11 teńge mólsherinde usynys aldyq. Qorǵalýynda eki jaǵynda da tangır torshasy, aıryqsha eltańba beınesi, bıýlleten mátini boıynsha ózge de elementterdiń aıryqsha beınesi bar», - dedi OSK hatshysy.

Sonymen qatar S.Mustafına Ortalyq saılaý komıssııasynyń ókili atalǵan tıpografııadan bıýlletenderdiń basylyp shyǵýy jáne oramaǵa salynýy bastan-aıaq qadaǵalatyndyǵyn aıtty.

«Ortalyq saılaý komıssııasynyń arnaıy baılanyspen jasalǵan kelisimsharty bar. Ol bıýlletenderdi aýmaqtyq saılaý ýchaskelerine deıin jetkizetin áskerılendirilgen kúzet. Biz qaýly qabyldadyq jáne endi bıýlletenderdi asyp shyǵarýǵa kirise alamyz», - dedi ol.

Buǵan deıin 2019 jylǵy 9 maýsymǵa taǵaıyndalǵan Qazaqstan Respýblıkasy Prezıdentiniń kezekten tys saılaýyna 12 067 475 saılaý bıýlleteni daıyndalǵanyn habarlaǵan edik.

Osyǵan deıin QR Ortalyq saılaý komıssııasy 12 067 475 saılaý bıýlleteni daıyndalatyndyǵyn málim etti.