Qazaqstanda saılaý aldy úderis tynysh ótip jatyr - D.Áshimbaev
ALMATY. QazAqparat - Álemdegi ekonomıkalyq jaǵdaıdyń kúrdeliligine qaramastan, Qazaqstanda saılaý aldy úderis tynysh ótip jatyr. Barlyq kandıdattar uıymdastyrýshylyqtyń joǵary dárejesin kórsetip otyr. Bul týraly «QazAqparat» agenttigine saıasattanýshy Danııar Áshimbaev málim etti.
QR Prezıdenttigine úmitkerler jaqsy úgit-nasıhat naýqanyn júrgizdi, usynǵan baǵdarlamalary da jaman emes. Memleket basshysy N.Nazarbaev memlekettik basqarý júıesin jetildirýge, sonyń ishinde saıası reformalardyń kómegimen damytýǵa kóp kóńil bóldi. Ózge úmitkerler de ıdeıalarymen bólisti. Turǵyn Syzdyqov batystyń ómirindegi jaǵymsyz tustaryn qoǵamymyzǵa engizbeý týraly aıtsa, Ábilǵazy Qusaıynov ekologııalyq máselelerdi kóterdi.
Mundaı baǵdarlamalar Qazaqstannyń kelisim men turaqtylyq, kópvektorly saıasatqa negizdelgen ekonomıkalyq, áleýmettik, saıası mádenıetin kórsetedi. Menińshe, bul qoǵamnyń saıası mádenıetiniń jáne ortaq qundylyqtarǵa degen seniminiń joǵary ekenin bildiredi.
