Qazaqstanda saılaý aldy naýqany minsiz ótti - J. Súleev
ALMATY. QazAqparat - Veb-baspager, belgili jýrnalıst Jánibek Súleev QazAqparat tilshisine bergen suhbatynda Qazaqstandaǵy saılaý aldy naýqanynyń minsiz ótkendigin, oǵan «5» degen baǵa qoıýǵa bolatyndyǵyn jetkizdi.
«Qazaqstanda kezekten tys Prezıdent saılaýyna qatysty daıyndyq naýqany eshqandaı daý-janjalsyz, bir qalypty, tynysh ótti. Tipti, minsiz deýge bolady. Bul - árıne, bolashaq Prezıdent úshin de, saılaýshylar úshin de óte jaýapty saılaý. Eń bastysy, saılaýaldy naýqanynda úmitkerler bir-birin qaralap, jamandaýdan aýlaq boldy. Sol arqyly eshqaısysy da arzan upaı jınaýǵa umtylǵan joq», - dedi ol.
Sarapshynyń aıtýynsha, Ortalyq saılaý komıssııasy men qoǵamdyq komıssııa óz jumystarynda barlyq óńirdi qamtydy. «Qysqa ýaqytqa qaramastan, árbir óńirde jan-jaqty túsindirý jumystary júrgizildi. Menińshe bul naýqanda atqarylǵan jumystarǵa «5» degen baǵa qoıýǵa bolady», - dedi J. Súleev.
