Qazaqstanda saıası laýazymdarǵa biliktilik talaptaryn belgileý usynyldy
NUR-SULTAN. QazAqparat – Qazaqstanda saıası laýazymdarǵa biliktilik talaptaryn belgileý kózdelip otyr. Búgin Parlament Májilisinde tıisti zań jobasyn tanystyrý barysynda QR Memlekettik qyzmet isteri agenttigi tóraǵasynyń orynbasary Marat Dáýeshev osylaı málim etti, dep habarlaıdy QazAqparat tilshisi.
«Sybaılas jemqorlyq quqyq buzýshylyq nemese memlekettik qyzmetke kir keltiretin tártiptik teris qylyq jasaǵany úshin jaýapkershilik qaralatyn adamdardy basqa memlekettik qyzmetke aýysýyna baılanysty jumystan bosatýǵa tyıym salý usynylady», - dedi M. Dáýeshev.
Budan bulek ol jekelegen saıası laýazymdarǵa Prezıdenttiń sheshimi boıynsha biliktilik talaptaryn belgileý usynylyp otyrǵandyǵyn atap ótti.
«Qazirgi ýaqytta saıası laýazymdarǵa biliktilik talaptar qarastyrylmaǵan. Osyǵan baılanysty jetkilikti jumys tájirıbesi joq adam laýazymǵa ornalasýy múmkin. Bul túzetýler Prezıdent Ákimshiliginiń 2019 jylǵy 13 qazandaǵy tapsyrmasyn oryndaý úshin ázirlendi», - dep nyqtylady agenttik ókili.
Budan buryn habarlanǵandaı, Májiliste Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» zań jobasy tynystyryldy.
Qujat aıasynda memlekettik qyzmetshilerge arnalǵan konkýrstyq rásimder 14 kúnge qysqartý eskerilgen.
