Qazaqstanda saıası qýǵyn-súrgin qurbandary derekteriniń elektrondyq bazasy jasalynýda
Saıası qýǵyn-súrgin qurbandaryn eske alý kúnine oraı «Qazkontent» AQ «Saıası qýǵyn-súrgin qurbandary derekteriniń elektrondyq derekter bazasy» jobasyn iske qosty. Bul baza qýǵyn-súrgin jyldary qaza tapqan jáne zardap shekken qazaqstandyqtardyń attaryn máńgi este saqtaýǵa arnalǵan elektrondy resýrs bolyp tabylady. Ol National Digital History veb-portalynda júzege asyrylýda.
Baza naqty ýaqyt rejıminde tolyqtyrylyp, onda 200 myńǵa jýyq adamdardyń esimderi jınaqtalady. Oǵan UQK arhıvi usynǵan derekter men «Qaıǵy kitaby. Atylǵandar tizimi» kóptomdyǵy, sondaı-aq elimizdegi óńirlik arhıvterdiń derekteri engiziledi.
Sonymen qatar, árbir qoldanýshy derekter bazasyn tolyqtyrýǵa qatysa alady. Ol úshin qýǵyn-súrgin jyldarynda zardap shekken týystaryńyzdyń derekterin myna elektrondy poshtaǵa joldaý qajet: kaz.ehistory@gmail.com