Qazaqstanda saıabaǵy eń kóp qala anyqtaldy

ASTANA. KAZINFORM — Elimizde 251 oıyn-saýyq jáne demalys saıabaǵy jumys isteıdi, dep habarlaıdy Ulttyq statıstıka bıýrosy.

2024 jyldyń qorytyndysy boıynsha Qazaqstanda 251 oıyn-saýyq jáne demalys saıabaǵy jumys istegen, bir jylda olardyń sany 9,1% artty.

Óńirler bólinisinde demalys oryndarynyń eń kóp sany: Túrkistan oblysynda — 32, Shymkent qalasynda — 29, Qaraǵandy oblysynda — 28.

2024 jyly oıyn-saýyq jáne demalys saıabaqtaryna 15,5 mln adam barǵan. Barýshylar sanynyń eń kóbi Astana (3,2 mln), Shymkent (2,7 mln) jáne Almaty (2,5 mln) qalalarynda baıqalǵan.

Menshik nysany boıynsha demalys saıabaqtarynyń 29%-y memleket menshiginde, 69,3%-y jeke menshikte jáne 1,5%-y sheteldik menshikte.

Demalys oryndarynyń 131 ashyq aspan astynda, 120 oryn ǵımarat ishinde ornalasqan.

Aýyldyq jerlerde 51 oıyn-saýyq jáne demalys orny jumys isteıdi, bul jalpy kórsetkishtiń — 19,1%. Demalys oryndarynda attraktsıondar men oıyn avtomattary túrindegi saýyq qurýǵa arnalǵan 3 923 nysan bar.

Budan buryn Almaty oblysynda 130 demalys orny baqylaýǵa alynǵany belgili boldy.