Qazaqstanda saýsaq izin tirkeýdiń jańa erejeleri ázirlendi

ASTANA. KAZINFORM – Elimizde daktıloskopııalyq jáne genomdyq tirkeýdi júrgizýdiń jańa erejeleri halyq nazaryna usynyldy.

Ashyq NQA portalynda jarııalanǵan qujat jobasynda Qazaqstan Respýblıkasynyń azamattarynan, daktıloskopııalyq tirkeýden ótken sheteldikter men azamattyǵy joq adamdardan daktıloskopııalyq aqparattyń ne úshin jınalatyny aıtylǵan.

- QR azamattarynyń, sheteldikterdiń jáne azamattyǵy joq adamdardyń jeke basyn rastaý jáne (nemese) anyqtaý;

- QR aýmaǵynda sheteldikter men azamattyǵy joq adamdardy esepke alý jáne baqylaý;

- jeke adamnyń, qoǵamnyń jáne memlekettiń qaýipsizdigin qamtamasyz etý;

- daktıloskopııalyq aqparat boıynsha jeke basyn rastaý rásimi arqyly Qazaqstan Respýblıkasynyń memlekettik shekarasynan ótetin adamdardy esepke alý jáne baqylaý.

«Daktıloskopııalyq tirkeýdiń maqsaty – daktıloskopııalyq aqparat negizinde adamnyń jeke basyn anyqtaý jáne rastaý. Jeke basyn anyqtaý daktıloskopııalyq aqparattyń derekqory boıynsha sáıkestendirýdi júrgizý kezinde, jeke basyn rastaý – naqty adamnyń daktıloskopııalyq aqparaty boıynsha verıfıkatsııalaý jolymen júzege asyrylady», - delingen qujat jobasynda.

Daktıloskopııalyq tirkeýdi ishki ister organdary, syrtqy saıası qyzmet salasyndaǵy ýákiletti memlekettik organ, sheteldegi dıplomatııalyq jáne olarǵa teńestirilgen ókildikter, sondaı-aq QR konsýldyq mekemeleri, kólik salasyndaǵy ýákiletti memlekettik organ jáne Ulttyq qaýipsizdik organdary júrgizedi.

«Daktıloskopııalyq aqparatty jınaý daktıloskopııalaý jáne tıisti aqparattyq júıege derbes derekterdi engizý arqyly adamnyń eki alaqany nemese eki qolynyń on saýsaǵynyń papıllıarlyq úlgileriniń qurylymdyq erekshelikteri týraly bıometrııalyq derekterdi alýdy qamtıdy», - delingen erejede.

Qujat jobasy 30 shildege deıin kópshiliktiń talqysyna usynylyp otyr.